Լուրեր
ԼՂ կարգավորման գործընթացով կարող էր զբաղվել նախագահ Սարգսյանը
  • 17:30
  • 2019-04-10
  • Դիտումներ՝ *

Վարչապետ Նիկոլ Փաշինյանը լրագրողների հետ հանդիպման ժամանակ հայտարարեց, որ մենք չենք պատրաստվում որևէ մեկի դեմ ռազմական գործողություններ սկսել, բայց եթե մեր դեմ սկսեն ռազմական գործողություններ, ապա մենք կպարտադրենք խաղաղություն։

Մինչ այդ հայտարարությամբ հանդես էր եկել պաշտպանության նախարար Դավիթ Տոնոյանը, իսկ վարչապետը կարծես թե հաստատեց նրա ասածը։ Կարո՞ղ ենք ասել, որ սա խոսում է նոր պաշտպանական ռազմաքաղաքականության, նոր դոկտրինայի, նոր կոնցեպտի մասին «Առաջին լրատվական»-ի հարցին Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը պատասխանեց․ «Կա՞, թե՞ ոչ, չեմ կարող ասել, գոնե ի պաշտոնե մենք նոր բան չենք լսել։ Ռազմական անվտանգության կոնցեպտի վերջին տարբերակը ընդունվել է 2007 թվականին, գուցե նոր իշխանությունները որոնումների մեջ են, սակայն դեռ նոր կոնցեպտի մասին խոսելը շուտ է։ Ես այստեղ տեսնում եմ, որ Հայաստանը ուզում է ավելի ակտիվ դիրք զբաղեցնել։ Նախկինում ադրբեջանցիները անում էին հայտարարություն՝ հիմնականում շատ կոշտ, հետո մենք արձագանքում էինք։ Մենք առաջինը չէինք»։

«Հայաստանի նոր իշխանությունները համառորեն պայքարում են, որպեսզի վերականգնվի Արցախի կարգավիճակը՝ որպես բանակցային կողմ։ Հաջողության հասնել դժվար է, բայց պետք է ավելի համառորեն պայքարել»,- հավելեց Ստեփան Գրիգորյանը։

 

Մանրամասները՝ տեսանյութում։

  • Դիտումներ՝ *