«Մամուլի հետ սուրճ» հաղորդման ապրիլի 10-ի հյուրը Meganews.am կայքի լրագրող Նանա Սարգսյանն է։
Մեր զրուցակիցն անդրադարձավ մեդիա դաշտում առկա վերջին հրապարակումներին։ Խոսելով երեկ Արարատյան մաքսատանը տեղի ունեցած միջադեպի մասին, Նանա Սարգսյանն ասաց.«Պետական դրոշը խորհրդանիշ է՝ ինչպես գերբն ու հիմնը։Ես դա համարում եմ վերաբերմունք՝ դեպի պետություն և աշխատանք։ Շատերը մեկնաբանում են,թե դրոշը հատակին չի եղել, անփույթ դրված է եղել։ Դրոշը նախատեսված չէ հատակին դնելու համար, նման վերաբերմունքի համար մարդը պետք է պատասխանատավություն կրի»։
Լրագրողը անտեղի է համարում վարչապետի հասցեին ուղղված քննադատությունները.«Կարգուկանոն պետք է հաստատվի։ Ազնիվ լինելու համար ասեմ, որ կապ չունի, թե տվյալ դեպքում վարչրապետն ով է։ Սա օրենք է, որ պետք է պահպանվի»։
