Իրանի նախագահ Հասան Ռոուհանին հայտարարել Է, որ ԱՄՆ-ն «ահաբեկչության տարածողն Է», իսկ Իսլամական հեղափոխության պահապանների զորակազմը (ԻՀՊԶ) օտարերկրյա ահաբեկչական կազմակերպությունների ցուցակում ներառելու Վաշինգտոնի որոշումը նա սխալ Է համարել:
Այս մասին Ռոուհանին ասել Է ապրիլի 9-ին Թեհրանում ունեցած ելույթի ժամանակ, որը հեռարձակել Է Press TV հեռուստաալիքը:
«ԱՄՆ-ը առաջատար դեր Է խաղում աշխարհում ահաբեկչության տարածման մեջ: Ամերիկան սխալ գործեց՝ ԻՀՊԶ-ն ճանաչելով ահաբեկչական կազմակերպություն: Իրանական ժողովրդի մեջ զորակազմի հեղինակությունը միայն կմեծանա»,-ասել Է նախագահը: Ռոուհանին հավելել Է, որ ԻՀՊԶ-ն «միշտ Էլ ահաբեկիչների դեմ պայքարով Է զբաղվել Մերձավոր Արեւելքում, Իրաքում, Սիրիայում», մինչ «Իրանի թշնամիները զինում Էին ահաբեկիչներին, նրանց պայթանյութ մատակարարում արյունահեղություն սարքելու համար»:
Իրանի նախագահը հայտարարել Է, որ իր երկրի վրա ԱՄՆ-ի ճնշումը չի բերում այն արդյունքները, որոնք ակնկալում Է Վաշինգտոնը: «Ինչի՞ եք դուք ձգտում հասնել պատժամիջոցներով: Դուք ասում եք, որ դրանք հարկավոր են, որպեսզի խանգարվի մեր զարգացումը, բայց դա սուտ Է: Այդ ստի ապացույցը մեր առաջընթացն Է տեխնոլոգիական բնագավառում, միջուկային մշակումներում, նոր ցենտրիֆուգների գործարկման ասպարեզում»,-հայտարարել Է Ռոուհանին:
Նա հավելել Է, որ Իրանը կշարունակի ցենտրիֆուգներ արտադրել միջուկային վառելիքի հարստացման համար եւ «կստեղծի IR8 մոդելի առաջավոր ցենտրիֆուգներ»: Ապրիլի 8-ին Իրանի իշխանությունները IR6 մոդելի ցենտրիֆուգների նոր կասկադ են գործարկել Նաթանզի օբյեկտում: Թեհրանը հայտարարել Է, որ բոլոր այդ աշխատանքները համապատասխանում են ՄԱԳԱՏԷ-ի կանոններին: