Ռուսաստանի նախագահ Վլադիմիր Պուտինը Մոսկվայում բարձր մակարդակի ռուս-թուրքական համագործակցության խորհրդի նիստի ժամանակ հայտարարել է, որ բացի C-400-ից կան նաև Ռուսաստանից Թուրքիա ռազմական արտադրանք մատակարարելու այլ նախագծեր՝ տեղեկացնում է RIA Novosti-ն։
«Համագործակցության ամրապնդման խնդիրները մեր երկրների առաջ կանգնած են նաև ռազմատեխնիկական ոլորտում։ Առաջին հերթին խոսքը C-400 «Տրիումֆ» հակահրթիռային համակարգերի մատակարարման պայմանագրի ռեալիզացման մասին է։
Օրակարգում առկա են նաև Թուրքիայի Հանրապետություն ժամանակակից ռուսական ռազմական նշանակության արտադրանքի մատակարարման հետ կապված այլ հեռանկարային ծրագրեր»,- ասել է Պուտինը։
Հիշեցնենք, որ երկուշաբթի օրը Պուտինը Կրեմլում հանդիպել է Թուրքիայի նախագահ Ռեջեփ Թայիփ Էրդողանի հետ։