Անկարայի և Իզմիրի քաղաքապետերը, Մանսուր Յավաշը և Թունչ Սոյերը, քաղաքապետի պաշտոնի պաշտոնական ստանձման փաստաթղթեր են ստացել:
Այսպիսով, Բարձրագույն ընտրական հանձնաժողովը հաստատել է ընտրությունների արդյունքները բողոքների քննարկումից հետո: Ընդդիմադիր «Ժողովրդահանրապետական» կուսակցության կողմից առաջադրված Յավաշը հայտարարել է, որ մտադիր է «անմիջապես անցնել աշխատանքի» և «Անկարան այլ երկրների մայրաքաղաքների հետ մրցակից քաղաք դարձնել», հաղորդում է ՏԱՍՍ-ը:
Յավաշը իշխող «Արդարություն և զարգացում» կուսակցության թեկնածու Մեհմեդ Օզհասեքին հաղթել է մոտ 130 հազար ձայն առավելությամբ: ԱԶԿ-ն բողոքարկել է ընտրության արդյունքները և վերահաշվարկ պահանջել Անկարայի 25 ընտրատեղամասերում: Սակայն ԿԸՀ-ն վերահաշվարկ է կատարել միայն կեսում և դա չի փոխել ընտրությունների արդյունքները:
Սոյերը նույնպես առաջադրվել է «Ժողովրդահանրապետական» կուսակցության կողմից և ԱԶԿ-ից առաջադրված իր մրցակցին, նախկին էկոնոմիկայի նախարար Նիհաթ Զեյբեկչիին հաղթել կես միլիոն ձայնով:
Մարտի 31-ին Թուրքիայում տեղի ունեցան համայնքային ընտրություններ, որոնց ընթացքում ընտրողները քվեարկել են քաղաքապետերի, տարածքային խորհրդարանների, ավագանու անդամների, համայնքների ղեկավարների, գյուղապետերի և գյուղական խորհուրդների անդամների օգտին: 2002 թվականից ի վեր ԱԶԿ-ն առաջին անգամ զիջել է Անկարայի և Ստամբուլի քաղաքապետերի ընտրություններում: