Օպերայի և բալետի ազգային ակադեմիական թատրոնի շուրջ կրքերը չեն հանդարտվում: Այսօր Կոնստանտին Օրբելյանը մամուլի ասուլիս էր հրավիրել, որի ընթացքում անդրադարձավ Օպերային թատրոնի շուրջ ստեղծված իրավիճակին, խոսեց թատրոնի տնօրենի պաշտոնից ազատման և իր հետագա անելիքների մասին:
Այս առումով արվեստագետ Սահակ Պողոսյանը հետաքրքիր գրառում էր կատարել. «Եթե մինչև հիմա երկիր քանդելն էր թատրոն, ապա հիմա թատրոնն է քանդում երկիրը»: «Առաջին լրատվական»-ի հետ զրույցում Ս. Պողսյանն նշեց, որ Օպերայի և բալետի ազգային ակադեմիական թատրոնի տնօրենի հարցը վերջին օրերին ինչ-ինչ նպատակներով շահարկվում է շատերի կողմից: Մեր զրուցակիցը հավելեց, որ նախ պետք է ստեղծված կոնֆլիկտային իրավիճակի պատճառները վեր հանել, այլապես ստեղծագործական օջախներում նման երևույթները կկրկնվեն տարբեր ձևերով, և տարբեր խնդրահարույց հարցեր կառաջանան:
«Կոնֆլիկտային իրավիճակի հիմքերը գլոբալ են և շատ ավելի խոր. Հայաստանը, որպես անկախ պետություն, վերջին 30 տարիներին չունի ստեղծագործական մտքի անկախ հայեցակարգ»,- ընդգծեց արվեստագետը:
Մանրամասն՝ տեսանյութում:
