Վրաստանը ստացել է Միացյալ Նահանգներում ձեռք բերած բոլոր Javelin հակատանկային հրթիռային համակարգերը:
Այս մասին հայտարարել է Վրաստանի պաշտպանության նախարար Լեվան Իզորիան խորհրդարանում ելույթի ժամանակ, հաղորդում է «Վրաստան Online»-ը:
«Մենք սկսել ենք ժամանակակից հակատանկային համակարգերի ձեռբերումը: Ես ուզում եմ այս բարձր ամբիոնից փաստել, որ մենք ամբողջությամբ գնել ենք Javelin համակարգը և այն տեղափոխվել է Վրաստան: Մենք այս տարի նաև 23 մլն լարի ենք հատկացրել և նման գումար է հատկացվել ԱՄՆ կողմից ուղղաթիռների վերանորոգման և արդիականացման համար: Դա մոտավորապես 50 մլն լարի է»,- հայտարարել էԻզորիան:
Javelin հակատանկային համակարգի ձեռքբերման բանակցությունները Վրաստանի և Միացյալ Նահանգների միջև սկսվել են 2017 թ.-ին: