Tuesday, 07 12 2021
01:00
Հունաստանի արտգործնախարարը Թուրքիային կոչ է արել հրաժարվել Աթենքի դեմ պատերազմի սպառնալիքից
00:45
Քաբուլում ԵՄ ներկայացուցչություն կբացվի
Ադրբեջանի պահանջն ականապատման քարտեզների հետ կապված մերժվել է․ Տարոն Սիմոնյան
ՀՀ, ՌԴ և Ճապոնիայի պաշտոնյաները մասնակցել են Սպիտակի երկրաշարժի զոհերի հիշատակի միջոցառումների
Կալանք է դրվել Սեյրան Օհանյանի, նրա կնոջ, նաև Սերժ Սարգսյանի թիկնազորի նախկին պետի գույքի վրա
Կառավարությունը հայ-ֆրանսիական տնտեսական համագործակցության հարցերը քննարկելու համար պատվիրակություն է գործուղում Փարիզ
Քիչ առաջ դանակահարություն Երևանում. բժիշկները պայքարում են վիրավորի կյանքի համար
Եղիշե Կիրակոսյանը՝ ՄԱԿ-ի Արդարադատության միջազգային դատարանի հրապարակած որոշման մասին
23:00
Պուտինի և Բայդենի բանակցությունները ավարտվել են
Գնել Սանոսյանը առցանց ձևաչափով մասնակցել է «Կանաչ էներգիայի Հարավային Կովկասի ֆորում»-ին
Եթե Ալեն Սիմոնյանը չգա, շատ վատ է լինելու․ գերիների հարազատների բողոքի ակցիան՝ Կառավարության դիմաց
22:25
Բայդենը Պուտինի հետ բանակցության արդյունքները կքննարկի եվրոպական առաջնորդների հետ
Ազգային ժողով այսօր չկա․ ԱԺ-ն դարձրել են «տեցի կռուգ»․ Հակոբ Մովսես
Բաքուն մի բան է ասում, Երևանը՝ հակադարձում, Մոսկվան՝ լռում․ նախորդ անգամ հասան արյունահեղ պատերազմի, ինչի՞ են ուզում հասնել հիմա․ Տարասով
Մինչ ԱԺ-ում գզվռտոցով են զբաղված, Ադրբեջանը իր քաղաքականությունն է առաջ բրդում. Տաթևիկ Հայրապետյան
Տարածաշրջանում հաղորդակցությունների հնարավոր ապաշրջափակումը կապված չէ ՀՀ-ի և Ադրբեջանի միջև սահմանազատման ու սահմանագծման հետ. Գրիգորյան
21:30
Բայդենը հույս ունի, որ հաջորդ անգամ դեմ առ դեմ հանդիպում կունենա Պուտինի հետ
21:15
Պուտինը և Բայդենը սկսել են բանակցությունները տեսակապի միջոցով
Ալեն Սիմոնյանը թիրախավորված է․ Մոսկվան մեր հոգին փչացնում է
Թուրքիայում սոցհարցման նոր արդյունքներ են հրապարակվել. իշխանական ուժերը զիջում են ընդդիմադիրներին
Հաագայի դատարանը Հայաստանի հայցով պահանջներ է դրել Բաքվի առաջ․ Լուրերի հիմնական թողարկում
Ռուստամ Բադասյանն աշխատանքային այց է կատարել Հարավային մաքսատուն- վարչություն
20:10
Հաագայի դատարանը պահանջել է Ադրբեջանից կանխել հայերի նկատմամբ ռասայական ատելության տարածումը
Տեղամասերում «սև կուրտկով» տղեն Քոչարյանն էր, որին իշխանությունը բերեց մեծ հրապարակ
Նորմերը գրված են արյան գնով, որ կյանքեր փրկեն․ ՔՏՀԱՏՄ ղեկավար
Փոխվարչապետի գրասենյակի ղեկավարն ազատվել է պաշտոնից
Ավարտվել է իշխանության ներկայացուցիչների նկատմամբ բռնություն գործադրելու դեպքի նախաքննությունը
Տենց դուխով են, թող գան, սպասում ենք․ Դաշնակցականների ցույցը ԱԺ դիմաց
Կարևոր արդյունք Հաագայում
Ուղիղ․ Գերիների հարազատները Կառավարության դիմաց են․ բողոքի ակցիա

Նոր բեմադրություններ, հյուրախաղեր. Կոնստանտին Օրբելյանը հավակնոտ ծրագրեր ունի

Կոնստանտին Օրբելյանը շարունակում է կատարել իր պարտականությունները Ալ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավարի պաշտոնում: Նա բանակցություններ է իրականացնում միջազգային գործընկերների հետ նոր բեմադրություններ անելու, փառատոնների մասնակցելու նպատակով:

Այս մասին ապրիլի 4-ին լրագրողների հետ հանդիպմանն ասաց ինքը՝ Կոնստանտին Օրբելյանը:

«Շաբաթ օրը մեկնում եմ Նյու Յորք` Արամ Խաչատրյանի անվան բալետի փառատոնի վերաբերյալ պայմանավորվածություններ ձեռք բերելու համար: Փառատոնը կանցկացվի Նյու Յորքում 2020 թվականի ամռանը: Ծրագրում ենք «Անուշ» օպերայի նոր բեմադրություն իրականացնել ԱՄՆ-ի հայ համայնքին ներկայացնելու համար: Մոսկվայի Մեծ թատրոնը մեզ առաջարկել է բեմադրել ութ բալետային, տասը օպերային ներկայացում: Նոր բեմադրություններ անելը բավականին աշխատատար գործ է, և եթե մենք կարողանանք կյանքի կոչել մեր ծրագրերը, շատ երջանիկ կլինենք»,-ներկայացրեց Կոնստանտին Օրբելյանը:

Անդրադառնալով իրեն օպերային թատրոնի տնօրենի պաշտոնից հեռացնելու խնդրին` Օրբելյանն ասաց, որ ՀՀ մշակույթի նախարարի պարտականությունները կատարող Նազենի Ղարիբյանն ապատեղեկատվության հետևանքով է կարծում, որ իր նշանակումն անօրինական է: «Եղել է ՀՀ կառավարության որոշում, որով ես նշանակվել եմ տնօրեն, այսինքն՝ եթե խնդիր կա կառավարության հետ, ապա դատի տվեք կառավարությանը, և թող դատարանը որոշի իմ նշանակումն օրինակա՞ն էր, թե ոչ: Ամեն դեպքում, իմ պայմանագիրը նախարարության հետ լեգիտիմ է: Ես ոչ ոքի չեմ խնդրել, որ ինձ նշանակեն այդ պաշտոնում»,-ընդգծեց Օրբելյանը:

Նա շեշտեց, որ եթե իր նշանակումն անօրինական էր, ապա իրեն կարող էին ինը ամիս առաջ հեռացնել աշխատանքից, բայց, ասես, սպասում էին, որ ինքն իր իսկ որոշմամբ հեռանա: «Ես չեմ հեռանա, քանի որ պատասխանատվություն եմ կրում կոլեկտիվի առաջ: Չեմ կարող դավաճանել իմ թատրոնը, այն մարդկանց, որոնք ինձ հետ հույսեր են կապում»,-ասաց Օրբելյանը:

Խոսելով Նազենի Ղարիբյանի այն պնդման մասին, թե օպերային թատրոնն ավելի քան 90 մլն դրամ պարտք ունի, Օրբելյանն ասաց, որ ինքը բեմադրություններ իրականացնելու համար ծախսում է հովանավորների և իր սեփական գումարները: «Օպերային թատրոնի տնօրենի պարտականությունները ստանձնել եմ 2017 թվականի փետրվարի սկզբին: Այդ տարվա դեկտեմբերից թատրոնում արդեն իսկ աուդիտ էր իրականացվում, որի արդյունքները մենք ստացել ենք այդ տարվա մարտին, աուդիտը 2014, 2015 և 2016 թվականների համար էր արվում: Փաստաթուղթը, որը մենք ստացանք, վերաբերում էր ՀՀ մշակույթի և ՀՀ ֆինանսների նախարարությունների միջև ադմինիստրատիվ խախտումներին: Նազենի Ղարիբյանն էլ է վերջերս հայտարարել, որ ես ոչ մի առնչություն չունեմ այդ պարտքերի հետ, տուգանքների հետ: Իմիջայլոց, ես չեմ ստորագրել այդ փաստաթուղթը, և մենք փորձել ենք ՀՀ մշակույթի նախարարության հետ լուծել այդ խնդիրը, սակայն քննարկումներն ընդհատվեցին: Հիմա մենք քիչ-քիչ վճարում ենք այդ պարտքերը, որոնք ես ժառանգել եմ նախորդ ղեկավարությունից»,- պատմեց նա:

Կոնստանտին Օրբելյանի ղեկավարման տարիներին թատրոնն իր պատմության մեջ առաջին անգամ հանդես է եկել Մեծ թատրոնում, հյուրախաղերով ելույթներ ունեցել արտերկրում: Նա օպերային թատրոնում հանդես գալու, վարպետության դասեր անցկացնելու նպատակով թատրոն է հրավիրել օպերային արվեստի ականավոր ներկայացուցիչների: Իրականացվել են նոր բեմադրություններ` «Կախարդական սրինգ», «Մանոն», «Չիպոլինո» և այլն:

ՀՀ մշակույթի նախարարի պարտականությունները կատարող Նազենի Ղարիբյանի հրամանով մարտի 28-ին Կոնստանտին Օրբելյանը հեռացվել է թատրոնի տնօրենի պաշտոնից: ՀՀ մշակույթի նախարարությունը դրա վերաբերյալ հաղորդագրություն էր տարածել` նշելով, որ Օրբելյանը ոչ լեգիտիմ է նշանակվել թատրոնի տնօրենի պաշտոնում:

Թատրոնի անձնակազմն իր վրդովմունք էր հայտնել այդ առնչությամբ և հանդիպել ՀՀ վարչապետ Նիկոլ Փաշինյանի հետ: Հանդիպումից հետո որոշվել էր, որ թատրոնի տնօրենի պարտականությունները ժամանակավոր դրվեն փոխտնօրենի վրա: Թատրոնի էլեկտրոնային հասցեներին ուղարկվել են նախարարության որոշման հիմնավորումները, իսկ անձնակազմը գրավոր ներկայացրել է հակափաստարկները:

Բաժիններ
Ուղիղ
Լրահոս
Որոնում