«Մեզ համար ապրիլյան պատերազմը չպետք է զարմանալի լիներ, ապագայում՝ նույնը։ Ադրբեջանի ղեկավարությունը հաճախակի է հայտարարում, որ ուժի գործադրմամբ հարցի լուծումն իրենց օրակարգում է և իբր բանակցությունները ձախողելու կամ չհաջողելու դեպքում՝ նրանք պետք է դիմեն այդ քայլին»-«Առաջին լրատվական»-ի հետ զրույցում ասաց Արցախի նախկին վարչապետ Արայիկ Հարությունյանը՝ խոսելով 2016 թվականի ապրիլյան պատերազմի մասին։
Հարությունյանը նշեց՝ ապրիլյան պատերազմն ունեցել է ինչպես քաղաքական, այնպես էլ տնտեսական պատճառներ.«Իրենց տնտեսական հնարավորությունները… երկրում զարգանում էր սոցիալական դժգոհությունը, ֆինանսա-տնտեսական խնդիրը բերել էր սոցիալական լարվածության, կար Պանամայի օֆշորի հետ կապված սկանդալը… նաև հաշվի են առել Հայաստանի ներքաղաքական վիճակը, համոզված էին, որ ազգը պառակտված է։ Իրենց համար զարմանալի էր ինչպիսի արձագանք եղավ մեր կողմից և այդ ամենը նրանց ստիպեց շատ շուտ գնալ խաղաղության, այսինքն՝ զինադադարի»։
Արցախի նախկին վարչապետը շեշտեց.« Սկզբնական շրջանում հաջողությունը հարձակվողի կողմն է, բայց եթե ևս 2-3 օր շարունակվեր՝ մենք այդ տարածքների հետ վերադարձնելու հնարավորություն կունենաինք, բայց ի՞նչ գնով, հաստատ ավելի շատ զոհերի»։
Հարցազրույցն ամբողջությամբ՝ տեսանյութում