Այս օրերին մենք ցավով և հպարտությամբ նշում ենք 2016 թվականի Ապրիլյան պատերազմի երրորդ տարելիցը։ Ցավով, որովհետև այդ օրերին կորցրինք հարյուրից ավելի երիտասարդների, հպարտությամբ, որովհետև այդ երիտասարդների հայրենասիրության, անձնվիրության և պատվախնդրության շնորհիվ մենք կարողացանք հետ շպրտել հակառակորդին և պաշտպանել մեր հայրենիքի սահմանները։
2016-ից արդեն երեք տարի է անցել, արդյո՞ք փորձել եք Ձեր մեջ ինչ-որ գնահատական տալ, թե ինչու եղավ 2016-ի Ապրիլյան պատերազմը, ինչ հանրագումարի եք եկել՝ ինչո՞ւմ էին մեր սխալները, ի՞նչն էր պատճառը «Առաջին լրատվական»-ի հարցին Արցախի Մարդու իրավունքների նախկին պաշտպան Ռուբեն Մելիքյանը պատասխանեց․ «Իմ համար դա նաև որոշակի առումով աշխատանքային պարտականություն էր, և այն դիտարկումները, որ մենք արել ենք, վերաբերում էր նաև պատճառներին։ Գիտեք, կարող էինք տարբեր հարթությունների վրա պատճառները դիտել, բայց ես այն կարծիքին եմ, որ այս ամենի բուն և խորքային պատճառը Ադրբեջանի հասարակությունում գոյություն ունեցող, զարգացող, էլ ավելի մեծ ծավալով բռնկվող հայատյացության դրսևորումն է։ Այս առումով հենց Արցախա-ադրբեջանական հակամարտությունը կա, որը իմ պատկերացմամբ՝ տարբերվում է աշխարհում գոյություն ունեցող գրեթե բոլոր հակամարտություններից։ Էն ատելության ծավալը, որ այստեղ կա, ոչ մի հակամարտության մեջ չկա։ Սա է ամբողջ խնդիրը»։
«Եթե վերցնենք մեր հետ կապված պատճառները, ապա այստեղ կարող ենք ասել, որ պատճառներից մեկը մեր անզիջողությունն է բանակցությունների պրոցեսում»,- հավելեց բանախոսը։
Մանրամասները՝ տեսանյութում։