Օգոստոսի 1-ին ՀԱԿ-ը 10 անգամ ավելի շատ մարդ կարող է հավաքել, եթե ասի, թե ինչ է լինելու: Այս մասին մեզ հետ զրույցում նշեց ՀԱԿ անդամ Հայաստանի լիբերալ կուսակցության նախագահ Հովհաննես Հովհաննիսյանը՝ արձագանքելով մեր այն դիտարկմանը, որ վերջին հանրահավաքը սակավամարդ էր և հասարակության շրջանում տրամադրությունների անկում է արձանագրվում:
«Մեկը ես՝ վատառողջ եմ եղել, չեմ մասնակցել: Պատճառներից մեկն էլ սա կարող է լինել»,- կեսկատակ-կեսլուրջ ասաց Հովհաննես Հովհաննիսյանը՝ հավելելով, որ սա այն հարցն է, որ ամեն ինչ պետք է թողնել և լսել Լևոն Տեր-Պետրոսյանի խոսքը՝ ուղղված հասարակությանն ու ժողովրդին:
«Լևոն Տեր-Պետրոսյանը շատ օբյեկտիվ գնահատական տվեց երկրում ստեղծված իրավիճակի շուրջ և ասաց, որ այս բոլոր խնդիրների պատճառը Սերժ Սարգսյանի մեջ է: Խնդիրը սրա մեջ է:
Ինչ վերաբերում է տրամադրության անկմանը՝ ես շատ երկար եմ քաղաքականության մեջ և տրամադրության անկում չեմ նկատում: Գիտեք, հասարակության 95 տոկոսը բողոքական մասա է: Հետևաբար՝ էս իշխանությունները այս երկրում մնալով բողոքավորների քանակը ամեն օր 1-2 տոկոսով ավելացնում են: Հետևաբար՝ տրամադրության անկում կարող է դիտարկվել միայն այդ հարթության մեջ»,- լրացրեց Հովհաննես Հովհաննիսյանը: