Արցախի խորհրդարանի նախագահ Աշոտ Ղուլյանի կարծիքով՝ 2016 թվականի ապրիլին Ադրբեջանը պատերազմ սանձազերծելով փորձում էր ֆիզիկապես բնաջնջել մի ամբղջ ժողովրդի՝ այդ նույն բնիկ ժողովրդի տարածքը բռնակցելու նպատակով.«Դրա մասին են վկայում այդ օրերի բազմաթիվ հանցագործությունները՝ այդ թվում խաղաղ ժողովրդի հանդեպ այդ դաժան տեսարանները»,-«Առաջին լրատվական»-ի հետ զրույցում ասաց նա։
Ղուլյանի դիտարկմամբ՝ Ադրբեջանը մեծ վնաս է այդպիսով հասցրել թե՛ բանակցային գործընթացին և թե՛ այն ձևավոևվող մթնոլորտին, որ մենք ունեինք 1991-1994 թվականներին.«Ադրբեջանը կտրուկ ձևով հետ գցեց այն նախադրյալները, որ կարող էին հիմք դառնալ խաղաղ կարգավորման համար։ Իհարկե կան բազմաթիվ գործոններ, որոնք ամբողջությամբ ուսումնասիրելով գալիս ենք այն եզրահանգման, որ Ադրբեջանը բոլոր այս տարիներին զբաղվում էր պատերազմին նախապատրաստվելով և ինչ-որ տեղ թող փչելով միջազգային հանրության, միջնորդների աչքին»։
Մեր զրուցակիցը նշեց՝ 2016 թվականի ապրիլյան պատերազմն իր հետքը թողել է հանրային գիտակցության, հանրային ընկալման վրա, ինչպես նաև իշխանությունների գործելակերպի վրա.«Մենք արդեն հասկացել ենք, որ Ադրբեջանն անկանխատեսելի և անվստահելի բանակցային գործընկեր է, միշտ էլ նման անակնկալների պետք է սպասել»։
Աշոտ Ղուլյանը հավելեց.«Ինձ համար միանշանակ է՝ Արցախի ժողովրդին խաղաղության նախապատրաստելու կարիք չկա»։
Հարցազրույցն ամբողջությամբ՝ տեսանյութում