Մարտի 31-ին՝ ժամը 20:18-ին, 911 ծառայությանը տեղեկություն է հաղորդվել, որ Արարատի մարզի Մխչյան գյուղում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Հովտաշեն-Մխչյան ավտոճանապարհի 1-ին կմ-ին «Opel Astra» մակնիշի ավտոմեքենան (վարորդ` Հ.Հ., ծնված 1994 թ.) դուրս է եկել ճանապարհի երթևեկելի հատվածից և հայտնվել ջրատարում (գործող):
Մինչ փրկարարների՝ կանչի վայր հասնելը Հ.Հ.-ն, ուղևորները՝ Վ. (ծնված 1977 թ.) և Գ. (ծնված 1981 թ.) Թ.-երը, քաղաքացիների ուժերով դուրս են բերվել ավտոմեքենայից:
Փրկարարները Վ. և Գ. Թ.-երին մոտեցրել են շտապօգնության ավտոմեքենային: Վերջիններս հոսպիտալացվել են Արտաշատի ԲԿ, որտեղ ստանալով համապատասխան օգնություն՝ դուրս են գրվել:
