ՀԱԿ անդամ Աշոտ Զաքարյանը մեզ հետ զրույցում արձագանքելով այն հարցին, թե ինչպես են վերաբերվում վերջին հանրահավաքի սակավամարդությանը և հասարակության շրջանում տրամադրությունների անկմանը՝ ասաց.
«Համամիտ չեմ նախ տրամադրությունների անկման փաստի հետ, որովհետև մեր շփումները համակիրների, ընկերների հետ լրիվ հակառակն է ապացուցում: Ինչ վերաբերում է սակավամարդությանը՝ այստեղ կարևոր է առաջին հերթին հանրահավաքի բովանդակությունը: Եթե նույնիսկ քանակի առումով քիչ թե շատ նվազում է արձանագրվել, պետք է հաշվի առնենք այն պարզ իրողությունը, որ 40 աստիճան շոգ էր:
Իսկ բազմահազարանոց հանրահավաքի կազմակերպումը և կայացնելը Հայաստանի Հանրապետությունում բավականին բարդ և պատասխանատու խնդիր է, ինչը ՀԱԿ-ին հաջողվեց իրականացնել»:
