Այսօր իրավապաշտպան կազմակերպության կողմից տարածված հայտարարության մեջ ասվում է. «Նոյեմբերի 19-ին ԼՂ պաշտպանական բանակի զորամասերից մեկում տեղի ունեցած միջադեպը, որի արդյունքում զոհեր և վիրավորներ են եղել, մենք որակում ենք որպես պետական և բանակային բարձրագույն իշխանությունների անպատասխանատվության և ոչ պրոֆեսիոնալիզմի ճչացող փաստ: Մենք կատարվածը գնահատում ենք որպես ղարաբաղյան բանակի քայքայման և ապաբարոյականացման գագաթնակետ, և կոչ ենք անում ԼՂՀ նախագահին, որպես ԼՂՀ ժողովրդի ինքնիշխանության և անվտանգության երաշխավորի, անհպաղ ստորագրել ԼՂՀ ՊԲ հրամանատարին պաշտոնանկ անելու հրամանագիր, ինչպես նաև բոլոր մեղավորներին ենթարկել խիստ պատասխանատվության, միաժամանակ հետաքննությանը ներգրավելով Լեռնային Ղարաբաղի հասարակության ներկայացուցիչներին»: