Ղազախստանի առաջին նախագահ Նուրսուլթան Նազարբաևը կմասնակցի մայիսի 29-ին Նու Սուլթանում կայանալիք Եվրասիական տնտեսական միության (ԵԱՏՄ) գագաթնաժողովին: Այս մասին Twitter-ի իր էջում գրել է Ղազախստանի նախագահ Քասիմ-Ժոմարտ Տոկաևը:
Տոկաևը մասնավորապես գրել է, որ Նազարբաևը 25 տարի առաջ Մոսկվայի պետական համալսարանում ներկայացրել է եվրասիական ինտեգրման իր տեսլականը և հետագայում դարձել հայեցակարգի հեղինակը:
«Մայիսի 29-ին Նուր Սուլթանում կկայանա ԵԱՏՄ-ի հոբելյանական գագաթնաժողովը: Էլբասի (ազգի առաջնորդ) Նուրսուլթան Նազարբաևը կմասնակցի որպես պատվավոր հյուր»,-ասվում է հաղորդագրությունում։
