Friday, 30 09 2022
ԱԽ քարտուղարը հանդիպումներ է ունեցել Կենտրոնական հետախուզական գործակալության գլխամասային գրասենյակում
Հնդկական զենքը ո՞ր տարածքով կարող է հասնել Հայաստան. Վրաստա՞ն, թե Իրան
Հրդեհ՝ Ծաղկաշեն գյուղում
Ինչու Հայաստանում վառելիքը չի էժանանում, բայց հարևան Վրաստանում շարունակում է նվազել
Պուտինը պահանջել է ուղղել մասնակի զորահավաքի ժամանակ առաջացած սխալները
08:30
Live. «Առաջին լրատվական» տեղեկատվական-վերլուծական կենտրոն
Երևանի և հինգ մարզերի որոշ հասցեներ կհոսանքազրկվեն
Հայաստանի նոր պատվիրակություն ԱՄՆ-ում. կարևոր հարթակ և խնդիրներ
Սաակաշվիլիի կուսակցությունը պահանջում է Ռուսաստանի քաղաքացիների համար սահմանել «օկուպացիոն հարկ»
ՀՀ տարածքում ավտոճանապարհներն անցանելի են
ՀՀ չորս բնակավայրերում շչակներ են գործարկվելու
Կարո՞ղ է Հայաստանը դուրս գալ ՀԱՊԿ-ից․ Զախարովայի մեկնաբանությունը
Չարժե իրական պայմանավորվածությունները փոխարինել երևակայական բանով. Զախարովան՝ միջազգային դիտորդներ տեղակայելու Փաշինյանի առաջարկի մասին
«Անթույլատրելի է Հունաստանի զինումը ԱՄՆ-ի կողմից». Էրդողան
Լեհաստանում Ինտերպոլի կողմից հետախուզվողը ներկայացել է ոստիկանության Էրեբունու բաժին
Պուտինը Մոսկվայում կընդունի Դոնեցկի, Լուգանսկի, Զապորոժիեի և Խերսոնի ղեկավարներին. Պեսկով
23:30
Անկարան պատրաստ է միջնորդ դառնալ ՌԴ և Ուկրաինայի բանակցությունների հարցում
«Ագրեսորն անմիջապես պետք է դադարեցնի ռազմական գործողությունները»․ ՀՀ-ում Հնդկաստանի դեսպան
Կասեցվել է հանրային սննդի օբյեկտի արտադրական գործունեությունը. ՍԱՏՄ
Սևանա լճի նման մեր մակարդակն էլ է իջել. ջրիմուռը պետք է վերանա
23:00
Կանադայում 400 զինվորական հեռացվել է աշխատանքից պատվաստումից հրաժարվելու համար
Պետականության կայացմանը շատ մոտ ենք
Ադրբեջանի ագրեսիայի ընթացքում Սոթքի հանքը չի աշխատել, հիմա գործում է իր հզորության 40 տոկոսով
Հայ-ադրբեջանական սահմանին իրադրության փոփոխություն չի արձանագրվել, իրավիճակը հարաբերականորեն կայուն է. ՀՀ ՊՆ
«Առաջին» լրատվական-վերլուծական թողարկում
22:22
Yandex Eats ծառայությունը գործարկվել է Երևանում
Մեքենան բախվել է պատին, ուղևորուհին տեղում մահացել է
Հնդկաստանը 260 մլն դոլարի զենք է վաճառել Հայաստանին. հնդկական հեռուստաալիքը մանրամասներ է պատմել գործարքի մասին
Կա ընտրված վարչապետ, մյուսները պետք է ծանր պահին կանգնեն նրա կողքին
21:50
Էրդողանն ու Պուտինը հեռախոսազրույց կունենան

Եվրոպան Հայաստանում կանխեց վտանգավոր փորձը

Հայաստանում այսօր որևէ մեկը չի խոսում ընտրակեղծարարության մասին, որևէ մեկը չի նկատում, որ մեր կյանքից դուրս է եկել այդ «դիսկուրսը», մարտի 27-ին խորհրդարանում ներկայացնելով կառավարության գործունեության ծրագրի 2018-ի կատարողականը հայտարարեց վարչապետ Նիկոլ Փաշինյանը: Նա հղում արեց նաև ԵԽԽՎ Հայաստանի մոնիթորինգի հարցի համազեկուցողներին, որոնք հայաստանյան այցի ընթացքում չեն արձանագրել ժողովրդավարության հարցում կառավարության դիտողության որևէ պատճառ: Այս հանգամանքը, անշուշտ, շատ կարևոր լինելով Հայաստանի ժողովրդավարության հեռանկարի տեսանկյունից, ունի մեկ այլ կարևորություն՝ թե՛ այդ ավելի լայն համատեքստում, թե՛ նաև Հայաստանի հանրության ու Եվրոպայի փոխհարաբերության կարևորագույն հարցի համատեքստում:

Այն, որ Հայաստանը մտել է ժողովրդավարության զարգացման նոր փուլ, որը սկզբունքային համեմատության որևէ եզր չունի նախկին առավելապես իմիտացիոն փուլի հետ, աներկբա է: Միաժամանակ աներկբա է, որ նոր փուլի առանցքային փորձություններն ու գայթակղությունները դեռ առջևում են, ընդ որում թե՛ կառավարող ուժի, թե՛ հանրության համար: Սա իսկապես առանձին, և լայն խոսակցության նյութ է, որին տարբեր անդրադարձեր եմ ունեցել մինչ այդ, և, անկասկած, առիթներ կլինեն անդրադառնալու նաև առաջիկայում: Ի վերջո, այստեղ նաև մեդիա-փորձագիտական սեգմենտի վարքագծից է կախված, թե ինչպիսի արդյունավետությամբ կզարգանա Հայաստանը ժողովրդավարության զարգացման ներկայիս փուլում, և որքանով կհաջողվի հանրայնորեն, համապետական մասշտաբում զերծ մնալ թե գայթակղություններից, թե, բնականաբար, սխալների և վրիպումների օբյեկտիվ «սխալանքի» մեծ չափաբաժնից: Այդ հարցում անկասկած է, որ Հայաստանի թե՛ իշխանության, թե՛ հանրային-քաղաքական արդիականացման ջատագով և համոզված կրող դաշտի առանցքային գործընկեր կարող է և պետք է լինի Եվրոպան:

Այստեղ է ահա, որ նշանակալից է համազեկուցողների այցն ու դրա ընթացքում հայկական ներկայիս ժողովրդավարական զարգացման փուլի հանդեպ նկատելիորեն համարժեք վարքագիծը, գոնե մինչ այժմ: Իսկ խնդիրն այն է, որ դեռևս թավշյա հեղափոխությունից անմիջապես հետո նախկին իշխող Հանրապետական կուսակցության, կամ իշխող լայն համակարգի ամենատարբեր թևերի շոշափելի «դեսանտային գրոհ» եղավ Եվրոպայի ուղղությամբ, այդ թվում՝ հենց ԵԽԽՎ և մասնավորապես ԵԽԽՎ մոնիթորինգի խմբի, որպեսզի թավշյա հեղափոխությունից հետո աշխուժացած իրավական գործընթացները մատուցվեն իբրև քաղաքական հետապնդում:

Անգամ Ռոբերտ Քոչարյանը, որ իր նախագահության ընթացքում հայտարարում էր, թե ԵԽԽՎ-ն «պոլիտբյուրո» չէ, թավշյա հեղափոխությունից հետո փորձում էր Եվրոպայի ուշադրությունը հրավիրել Հայաստանում «բռնատիրության» վրա, ի դեպ, այդ շրջանում Ադրբեջանի նախագահի հայտարարությունների հետ զուգորդված: Ադրբեջանն իհարկե փորձում էր օգտագործել իրավիճակը և Հայաստանի նախկին իշխող համակարգի ջանքը Հայաստանի նոր իշխանությանը բռնատիրություն ներկայացնելու համար, լավ պատկերացնելով ու զգալով, որ թավշյա հեղափոխության արդյունքում Հայաստանը միջազգային վարկանիշի առումով գրանցելով ահռելի թռիչք, շոշափելի քաղաքական դիրքեր է ձեռք բերում նաև արցախյան խնդրում: Այստեղ, սակայն, շատ կարևոր է, որ ԵԽԽՎ-ն փաստորեն չտրվեց այդօրինակ փորձերին՝ թե՛ Հայաստանի նախկին իշխող համակարգից եկող, թե՛ նաև Ադրբեջանից «զուգորդվող»: Դա շատ կարևոր է ոչ այն պատճառով, որ չեղավ հարված Հայաստանի նոր իշխանությանը:

Կարևոր է, որ չեղավ անուղղակի հարված Եվրոպայի հանդեպ Հայաստանի հանրային վերաբերմունքին: Որովհետև, հաշվի առնելով հեղափոխության և դրա արդյունքում ձևավորված նոր իշխանության ու նոր քաղաքական իրողությունների հանրային մեծ լեգիտիմությունը, անկասկած է դառնում, որ Հայաստանում ժողովրդավարության «խնդիրների» մասին խոսելու, և առավել ևս «անիրավության» ու «բռնությունների» մասին խոսելու դեպքում, եվրաչինովնիկները ուղղակիորեն կառաջացնեին հանրային բացասական վերաբերմունք ոչ միայն իրենց, այլ ընդհանրապես եվրոպական կառույցների նկատմամբ: Այդ վերաբերմունքը իր բացասականությամբ հակադարձ համեմատական կլիներ իշխանության ունեցած լեգիտիմությանը:

Այլ կերպ ասած, դա կարող էր լինել Հայաստանում Եվրոպայի հեղինակազրկման խոշոր ակտ, որը տեղի կունենար հենց եվրոպացի չինովնիկների ձեռքով: Իսկ, թե ում է մշտապես ձեռնտու եղել Հայաստանում հեղինակազրկել Եվրոպային, թերևս չունի ավելորդ ներկայացման անհրաժեշտություն: Մյուս կողմից, սա, իհարկե, մի իրողություն է, որը Հայաստանի իշխանության համար պետք է լինի ոչ թե փափուկ բարձ կամ դափնի, որի վրա պետք է հանգստանալ, այլ հակառակը՝ Եվրոպայի հետ համատեղ Հայաստանի արդիականացման աշխատանքը աշխուժացնելու նոր խթան:

Բաժիններ
Ուղիղ
Լրահոս
Որոնում