Ռուսաստանի նախագահ Վլադիմիր Պուտինը պետական այցով Ղրղզստան է ժամանել։ Այս մասին հաղորդում է ՏԱՍՍ-ը՝ վկայակոչելով Կրեմլի մամուլի ծառայությունը։
Նշվում է, որ երկրի մայրաքաղաք Բիշքեկում Պուտինը կհանդիպի ղրղզ գործընկեր Սոորոնբայ Ժեենբեկովի հետ։
«Նրանք կքննարկեն ռուս-ղազախական հարաբերությունների ընթացիկ վիճակը և մարտավարական գործընկերության ու դաշնակցության նախադրյալները»,-ասվում է Կրեմլի տարածած հաղորդագրությունում։
ՌԴ նախագահի օգնական Յուրի Ուշակովի խոսքով՝ բանակցությունների արդյունքում նախագահները համատեղ հայտարարություն կստորագրեն։
Նշվում է նաև, որ Պուտինը և Ժեենբեկովը կմասնակցեն ռուս-ղրղզական միջտարածաշրջանային համաժողովին, որից հետո կայցելեն հայտնի գրող Չինգիզ Այթմաթովի տուն-թանգարան։