Իրանի նախագահ Հասան Ռուհանին հայտարարել է, որ ԱՄՆ առաջնորդ Դոնալդ Թրամփի՝ Գոլանը Իսրայելի մաս ճանաչելու վերաբերյալ որոշումը հակասում է միջազգային իրավունքին՝ գրում է Hurriyet-ը:
Տեղեկացվում է, որ Ռուհանին չէր ակնկալում այդպիսի քայլ Թրամփի կողմից։
«Ոչ ոք չէր մտածում, որ ԱՄՆ-ում որևէ մեկը միակողմանիորեն մի երկրի մաս կազմող տարածքը կմիացնի բռնապետությանը՝ հակառակ միջազգային նորմերին և կոնվենցիաներին», – մեկնաբանել է Ռուհանին:
Ավելի վաղ ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուի հետ հանդիպման ժամանակ ստորագրել է փաստաթուղթ, որով ճանաչում է Իսրայելի ինքնիշխանությունը Գոլանի բարձունքների նկատմամբ: