Apple-ը ներկայացրել է սեփական AppleTV+ հոսքային ծառայությունը: Ընկերության նոր առաջարկների ներկայացումը տեղի է ունեցել մարտի 25-ին, Կուպերտինոյում (Կալիֆորնիա, ԱՄՆ) Սթիվ Ջոբսի թատրոնում:
AppleTV+ -ին բաժանորդագրությունը կարժենա 10 դոլար: Այս հարթակում հնարավոր կլինի տեսնել հայտնի ցանցերի կոնտենտը, ինչպես նաև ընկերության տեսանյութերը: Ինչպես հաղորդվում է Apple-ն արդեն պայմանագիր է կնքել HBO և CBS հեռուստաալիքների հետ: Ընդհանուր առմամբ, ծառայությունը հասանելի կլինի ավելի քան 100 երկրների օգտատերերի համար:
Ներկայացման ընթացքում հայտնի է դարձել, որ ընկերությունը թարմացրել է Apple News նորությունների հարթակը, և այժմ ծառայության օգտատերերը ամսագրեր կարդալու հնարավորություն կունենան: Ամսական բաժանորդագրությունը կկազմի 9.99 դոլար:
Apple-ը խոսել է նաև Arcade խաղերի նոր ծառայության մասին: Այս հարթակին բաժանորդագրությունը App Store միջոցով հարյուրավոր համակարգչային և բջջային խաղերի հասանելիություն կապահովի: Ծառայությունը հասանելի կլինի 150 երկրներում, իսկ ամսական վճարի արժեքը դեռ չի որոշվել: