Jaguar Land Rover ընկերությունը հայտարարել է Չինաստանի դատարանում տեղական ավտոարտադրողի հանդեպ տարած հաղթանակի մասին։ Չինական ընկերությունը վաճառել է ավտոմեքենաներ, որոնցում կրկնօրինակված են Range Rover Evoque ավտոմեքենայի գործառույթները՝ տեեկացնում է Bloomberg-ը։
Jaguar Land Rover-և Jiangling Motors Corp.-ի միջև վեճը ընթանում է 2014թ․ ի վեր, երբ բրիտանական ընկերությունը մեղադրեց չինական արտադրողին իր ստեղծած տեխնոլոգիաները օգտագործելու համար։ Մարտի 22-ին Պեկինի դատարանը պարտադրել է չինական ընկերությանը հեռացնել վաճառքից Landwind X7 մոդելը և դադարեցնել դրա արտադրությունը։
Դատարանի որոշման համաձայն՝ բրիտանական ընկերությունը փոխհատուցում կստանա, որի չափը, սակայն, չի հրապարակվում։ Չինական ընկերությունը դատարանի որոշումը դեռ չի մեկնաբանել։