«Լավ էլի» խմբի համահիմնադիր, երաժիշտ Մհեր Մանուկյանն «Առաջին լրատվական»-ի հետ զրույցում անդրադառնալով հարցին, թե հանրության կողմից ինչպիսի արձագանք եղավ խմբի առաջին՝ «Ձոն գարնանամուտի» երգի թողարկման ժամանակ՝ հաշվի առնելով, որ երկիրը հետմարտիմեկյան իրավիճակում էր, նշեց, որ շատ հուզիչ արձագանք եղավ. «Տպավորությունն այնպիսին էր, որ մարդկանց պակասում էր ինչ-որ բան՝ թեկուզ երաժշտության ու խոսքի տեսքով, որ կարողանար հագուրդ տալ իր զգացմունքներին. այդ ժամանակ սահմանափակված էր խոսքի ազատությունը»:
«Մարտի մեկից հետո ինձ մոտ տպավորություն չկար, թե վախի մթնոլորտ է, ավելի շատ ցավ կար, բարկություն, բայց նաև մեծ հավատ, որ դեռ կարելի էր ամեն ինչ փոխել»,- նշեց Մ. Մանուկյանը՝ հավելելով, որ ակնհայտ վտանգներ, իհարկե, կային, բայց այն ժամանակ այդ մասին չէին մտածում:
Հաջորդ՝ «Մենք ժպտում ենք» երգը կարծես կանխագուշակում էր ապագան, և թավշյա հեղափոխությունը եկավ ապացուցելու, որ ժպիտով ու սիրով հնարավոր է իսկապես պատեր քանդել և ազատվել շղթաներից: «Երբ մենք հուսահատ էինք և կարծում էինք, որ այլևս հնարավոր չէ, այդ երգը եկավ մեզ ասելու՝ ես ճիշտ եմ, դուք սխալ եք»:
Մ. Մանուկյանը նշեց, որ թավշյա հեղափոխությունն իրենց ոգեշնչել է, բայց այլ առումներով, այն երաժշտական արտահայտություն դեռևս չի ունեցել. «Բայց ապագա ստեղծագործությունների ծիլեր երևում են»:
Մանրամասն՝ տեսանյութում: