Սիեթլի բնակչին երեկ մեղադրանք է առաջադրվել 1957 թ.-ին 7-ամյա աղջկա սպանելու համար: Իլինոյս նահանգի Դեքալբ շրջանի դատախազ Քլեյ Քեմփբլը հայտարարել է, որ 71-ամյա Ձեք Դենիել Մաքալոուին մեղադրանք է առաջադրվել Մարիա Ռիդոլֆի սպանության համար, որը նա կատարել է 1957 թ.-ին` նրան մանկական խաղահրապարակից առևանգելուց հետո:
Այն ժամանակ Մարիային փնտրել է 1000 իրավապահ և քաղաքի հազարավոր բնակիչներ: Այս առևանգման մասին խոսել են նույնիսկ Դուայթ Էյզենհաուերը և Հետաքննությունների դաշնային բյուրոյի ղեկավար Էդգար Գուվերը, որոնք ամեն շաբաթ պահանջում էին այս հետաքննության վերաբերյալ զեկույցները:
5 ամիս փնտրելուց հետո որոնողական աշխատանքները դադարեցվել էին: Մաքալոուն այն ժամանակ էլ էր համարվում գլխավոր կասկածյալը, սակայն նրա դեմ լուրջ փաստեր չկային: Նոր ապացույցներ հայտնաբերվել էին երկու տարի առաջ: Հիմա նա գտնվում է Սիեթլի բանտում և սպասում է Իլինոյս նահանգին արտահանձնելուն: Այս մասին հաղորդում է MIGNews.com կայքը: