Բրիտանացի անօթևանները խոստովանել են, որ օրական մինչև 600 ֆունտ ստեռլինգ են վաստակում: The Daily Mail-ը հարցազրույց է վերցրել երկու տղամարդուց, որոնցից մեկը Լոնդոնում բնակարանի սեփականատեր է, իսկ մյուսը տուն ունի Անգլիայի հարավ-արևելքում գտնվող Դատֆորդ քաղաքում: Տղամարդիկ խոստովանել են, որ փողոցում «վաստակելն» ավելի հեշտ է, քան նորմալ աշխատանք փնտրելը:
Դարեն անունով Լոնդոնի բնակիչը խոստովանել է, որ միջին հաշվով օրական 100 ֆունտ է ստանում մայրաքաղաքի հոգատար բնակիչներից: Փողոցներում ողորմություն խնդրելուց հետո նա վերադառնում է Լոնդոնի իր բնակարան, լոգանք ընդունում և ճաշում:
Հաճախ լավ օրեր են լինում, երբ նա մինչև 600 ֆունտ է վաստակում: Ավելին ստանալու համար նա նստում է պանդոկների մոտ, որի հարբած այցելուները տարբերվում են իրենց առատաձեռնությամբ:
Իսկ «անօթևան» Էդ Սթաֆորդը շրջել է Մեծ Բրիտանիայի քաղաքներով: Նա ապրել է Գլազգոյի, Մանչեսթերի և Լոնդոնի փողոցներում: Էդի խոսքերով, ամենալավը վճարում են մայրաքաղաքում: Նրա ծանոթների շարքում Նիլ անունով տղամարդ կա, որը կես ժամում 30 ֆունտ է վաստակում և ապրում է երկու ննջասենյակ ունեցող տանը՝ իր որդու հետ: