Ղազախստանի խորհրդարանի պատգամավորները երկու ընթերցմամբ ընդունել են Սահմանադրության ուղղումները երկրի մայրաքաղաքն առաջին նախագահ Նուրսուլթան Նազարբաևի պատվին վերանվանելու մասին, հաղորդում է ՌԻԱ Նովոստին:
«Ընդունվել է պատմական որոշում»,- ասել է Ղազախստանի խորհրդարանի ստորին պալատի՝ մաժիլիսի խոսնակ Նուռլան Նիգմատուլինը՝ ամփոփելով քվեարկության արդյունքները:
Ղազախստանի մայրաքաղաքի վերանվանման նախաձեռնողը դարձել է պետության նոր ղեկավար Քասըմ-Ժոմարտ Տոկաևը: Մարտի 20-ի առավոտյան կայացել է Տոկաևի երդմնատվության արարողությունը: Նա խոստացել է շարունակել Նազարբաևի քաղաքականությունը և առաջարկել է Աստանան վերանվանել Նուրսուլթան: