Ղազախստանի նոր նախագահ Քասըմ-Ժոմարտ Տոկաևն առաջարկել է Աստանան Նուրսուլթան վերանվանել ի պատիվ առաջին նախագահ Նուրսուլթան Նազարբաևի: «Անհրաժեշտ եմ համարում հավերժացնել մեր մեծ ժամանակակցի՝ Ղազախստանի Հանրապետության առաջին նախագահի անունը: Մեր մայրաքաղաքը պետք է կրի մեր նախագահի անունը և կոչվի Նուրսուլթան»,- ասել է Տոկաևը:
Նա նաև առաջարկել է հանրապետության մայրաքաղաքում հուշարձան կանգնեցնել Ղազախստանի Հանրապետության առաջին նախագահի պատվին:
«Անհրաժեշտ եմ համարում մարզային բոլոր քաղաքների կենտրոնական փողոցներն անվանել Նուրսուլթան Աբիշևիչ Նազարբաևի անունով»,- հավելել է Ղազախստանի նախագահը:
Տոկաևն իր որոշմամբ Ղազախստանի առաջին նախագահ Նուրսուլթան Նազարբաևին պարգևատրել է գերազանցության հատուկ նշանով՝ «Ոսկե աստղով» և նրան շնորհել «Ժողովրդական հերոս» կոչումը: Նա նաև հայտարարել է, որ Նազարբաևին պետք է շնորհվի պատվավոր սենատորի կարգավիճակ, հաղորդել է ՌԻԱ Նովոստին: