Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

ՀԱՕԿ-ի և Ծառուկյանի վերաբերմունքը մեր երկրի դրոշը բարձր պահած բռնցքամարտիկների նկատմամբ

Նախօրեին Վլադիկավկազում ավարտվեց բռնցքամարտի 18-22 տարեկանների Եվրոպայի առաջնությունը, որտեղ Հայաստանի ներկայացուցիչները փայլուն ելույթով աչքի ընկան: Հայաստանի ներկայացուցիչները նվաճեցին 5 մեդալ: Անուշ Գրիգորյանը տպավորիչ ելույթով դարձել է Եվրոպայի չեմպիոն, իսկ Անի Հովսեփյանը՝ փոխչեմպիոն: Վախթանգ Հարությունյանը, Հրայր Շահվերդյանն ու Գուրգեն Հովհաննիսյանը նվաճել են բրոնզե մեդալ: Գրանցված արդյունքները խոսում են այն մասին, որ մեր բռնցքամարտն ունի մեծ պոտենցիալ, և մոտ ապագայում կարող ենք գրանցել էլ ավելի լուրջ հաջողություններ:

Հիշեցնենք, որ Եվրոպայի առաջնությունից առաջ Երևանում տեղի էր ունեցել երիտասարդների Հայաստանի աղմկահարույց առաջնությունը: Մասնավորապես, Կոտայքի մարզի և էլի մի շարք մարզադպրոցներ բոյկոտել էին այս առաջնությունը, ինչի հետևանքով բազմաթիվ բռնցքամարտիկներ զրկվել էին իրենց համար կարևոր մրցմանը մասնակցելու հնարավորությունից: Առաջնությունից օրեր առաջ ՀԱՕԿ-ը սառեցրել էր ՀԲՖ-ին անդամակցությունը՝ նշելով, որ մարզական այս կառույցի ղեկավարությունը լեգիտիմ չէ: Մասնավորապես, ՀԱՕԿ-ը, հղում կատարելով բռնցքամարտի միջազգային ֆեդերացիային՝ ԱԻԲԱ-ին, նշում է, որ անհրաժեշտ է անցկացնել ՀԲՖ-ի նախագահի նոր ընտրություններ: Կոնֆլիկտին միջամտել էր նաև ՀՀ սպորտի նախարարությունը, և հավանականությունը մեծ է, որ առաջիկա երեք ամիսների ընթացքում տեղի կունենան նոր ընտրություններ:

Ամեն ինչ շատ պարզ է. ՀԱՕԿ նախագահ Գագիկ Ծառուկյանը կտրականապես դեմ է, որ բռնցքամարտի ֆեդերացիան գլխավորի Արթուր Գևորգյանը: Այդ իսկ պատճառով ստեղծվել է բռնցքամարտի ազգային ֆեդերացիան, որը գլխավորում է Հովհաննես Հովսեփյանը և հավակնում է դառնալ ՀԲՖ նախագահ: Այս խնդրին բազմիցս ենք անդրադարձել և հանգել այն եզրակացության, որ կոնֆլիկտը կարող է հարթվել միայն ՀՀ իշխանությունների անմիջական միջամտությամբ:

Վլադիկավկազի առաջնությունից հետո, սակայն, ականատեսը եղանք մեկ այլ երևույթի, ինչն ուղղակի անընդունելի է: Մեր բռնցքամարտիկների հաջողությանը որևէ կերպ չարձագանքեցին ՀԱՕԿ-ը և, մասնավորապես, Գագիկ Ծառուկյանը: Մեզ համար արդեն սովորական երևույթ էր դարձել, որ միջազգային ասպարեզում նույնիսկ փոքր հաջողություն ունենալու դեպքում ՀԱՕԿ-ի և Ծառուկյանի կողմից «Զվարթնոց» օդանավակայանում զուռնա-դհոլով, դափնեպսակներով ջերմ ընդունելություն է կազմակերպվում և օրվա ընթացքում մի քանի անգամ ցուցադրվում «Կենտրոն» հեռուստաընկերությամբ: Այս անգամ մեր մարզիկները ջերմ ընդունելության արժանացան միայն Բռնցքամարտի ֆեդերացիայի ներկայացուցիչների և ընկեր-բարեկամների կողմից: Մեդալակիրներին չի շնորհավորել նաև Ծառուկյանը: Համենայնդեպս, այս մասին որևէ պաշտոնական հայտարարություն չի եղել:

Եվ ամենակարևորը՝ Վլադիկավկազում տեղի ունեցած առաջնության մասին ոչ մի բառ չի գրվել ՀԱՕԿ-ի պաշտոնական կայքի armnoc.am-ի լրատվական բաժնում: Կարծես թե նման առաջնություն չի էլ եղել, և մերոնք չեն էլ մասնակցել այդ մրցաշարին: Փոխարենը նշված կայքում կարելի է կարդալ Օլիմպիական խաղերի ամենահավատարիմ երկրպագուի մահվան մասին, մեր ձյուդոիստների, շախմատիստների և այլ մարզաձևերի ներկայացուցիչների ելույթների մասին: Ինչո՞ւ: Վլադիկավկազում հաջողության հասած բռնցքամարտիկները մերը չե՞ն: Եվրոպայի առաջնությունը չի անցկացվել, ըստ ՀԱՕԿ-ի, Հայաստանի բռնցքամարտի ֆեդերացիայի ոչ լեգիտիմ ղեկավարության կողմից: Մեր մարզիկները հաջողության են հասել միանգամայն պաշտոնական և լեգիտիմ մրցաշարում: Գագիկ Ծառուկյանը շարունակ նշում է միջազգային մրցաշարերում մեր երկրի դրոշը բարձրացնելու, մեր երկրի օրհներգը հնչեցնելու մասին:

Անուշ Գրիգորյանը, Անի Հովսեփյանը, Վախթանգ Հարությունյանը, Հրայր Շահվերդյանն ու Գուրգեն Հովհաննիսյանը հնչեցրին մեր օրհներգը, բարձրացրին մեր երկրի դրոշը: Մի՞թե նրանք արժանի չեն շնորհավորանքի և գովեստի խոսքերի: Մի՞թե նրանք արժանի չէին, որ գրանցված հաջողության մասին գոնե գրվի ՀԱՕԿ-ի պաշտոնական կայքում: Մի՞թե նրանց հաջողությունը, այսպես ասած, «մանթո է գցել ոմանց»: Պարզապես չենք ցանկանում հավատալ, որ կարող է լինել նման բան: Այս մարզիկները ամենևին մեղավոր չեն, որ ՀԱՕԿ-ի և Բռնցքամարտի ֆեդերացիայի ջուրը նույն առվով չի հոսում:

Ի տարբերություն մի շարք այլ բռնցքամարտիկների՝ Վլադիկավկազ մեկնած մեր մարզիկները մանիպուլյացիայի և տարատեսակ այլ բոյկոտներին չեն տրվել և արժանիորեն կատարել են իրենց պրոֆեսիոնալ պարտականությունը: Նրանք պայքարել են մինչև վերջ, բարձր են պահել մեր երկրի պատիվը: Եթե հայկական բռնցքամարտը պառակտված չլիներ, հավանական է, որ Եվրոպայի առաջնությունում 5-ի փոխարեն ունենայինք, ասենք, 10 մեդալ:

Ամեն դեպքում պետք է արժանին մատուցել նաև Հայաստանի բռնցքամարտի ֆեդերացիային, որը նման լարված իրավիճակում կարողացել է մարզիկներին պատշաճ կերպով նախապատրաստել Եվրոպայի առաջնությանը և բարձր պահել Հայաստանի պատիվը:

Բաժիններ
Ուղիղ
Լրահոս
Որոնում