The Wall Street Journal պարբերականի տեղեկությունը, որի համաձայն՝ Վաշինգտոնը մտադիր է Սիրիայում հազար զինծառայող թողնել, չի համապատասխանում իրականությանը։ Այս մասին հայտնել է ԱՄՆ ԶՈՒ Շտաբի պետերի կոմիտեի նախագահ Ջոզեֆ Դանֆորդը, փոխանցում է ՏԱՍՍ-ը։
«Այսօր ամերիկյան խոշոր պարբերականներից մեկում ասվել է, որ ԱՄՆ զինծառայողները Սիրիայում շուրջ հազար զինվորական թողնելու ծրագիր են մշակում։ Դա ճիշտ չէ»,-ասել է նա։
Դանֆորդը նաև հավելել է, որ ԱՄՆ-ն և Թուրքիան շարունակում են բանակցությունները՝ Թուրքիայի հետ սահմանին անվտանգության հարցը լուծելու համար։
Նշենք, որ պարբերականի տվյալներով՝ ԱՄՆ-ն մտադիր է շարունակել աշխատանքները քրդական ջոկատների հետ՝ «չնայած քրդերի վրա հարձակվելու Թուրքիայի սպառնալիքներին»։