ՀԱՊԿ-ի երկրների զինվորականներն ընթացիկ տարում կանցկացնեն մի քանի խոշոր համատեղ զորավարժություններ: Այդ մասին հայտնել է ՌԴ-ի Անվանգության խորհրդի փոխքարտուղար Միխայիլ Պոպովը «Կրասնայա զվեզդա» թերթում հրապարակված հարցազրույցում:
Նա նշել է, որ խոսքը վերաբերում է ՀԱՊԿ-ի Հավաքական ուժերի պատրաստության կատարելագործմանը և ըստ նշանակության դրանց օգտագործմանը, ինչպես նաև կառավարման համակարգերի և դրանց համակողմանի ապահովման զարգացմանը:
«Համատեղ պատրաստման պլանին համապատասխան 2019 թվականին պլանավորվում է անցկացնել տարբեր ուղղվածության ավելի քան 40 միջոցառում, որոնցից հիմնականներն են «Փոխգործակցություն-2019», «Անխախտ եղբայրություն-2019» համատեղ զորավարժությունները, «Որոնում-2019», «Էշելոն-2019» հատուկ զինավարժանքները, ինչպես նաև «Որոտ-2019» մարտավարական-հատուկ վարժանքը»,- ասել է Պոպովը, հաղորդել է ՌԻԱ Նովոստին:
