Մարտի 11-ին մեկնարկած լայնածավալ զորավարժություններում Ադրբեջանի զինված ուժերը «Պոլոնեզ» համազարկային ռեակտիվ համակարգեր են գործարկել:
Ադրբեջանի պաշտպանության նախարարության մամուլի ծառայության տարածած տեսանյութում «Պոլոնեզի» առնվազն 6 հաշվարկ է երևում, որոնք, ըստ զորավարժությունների պլանի, «տագնապով լքել են մշտական տեղակայման վայրը, իսկ մեկնարկային դիրքեր զբաղեցրած ստորաբաժանումներն առավելագույնը ռազմականին մոտեցված պայմաններում պայմանական թշնամու թիրախներին հրթիռներով հարվածելու առաջադրանքներ են իրականացրել», հայտնում է Interfax.az-ը:
Մարտի 11-15-ն անցկացվող լայնածավալ զորավարժություններին, որի մասին չի ծանուցվել համապատասխան միջազգային մարմիններին, մասնակցելու է 10 000 զինծառայող, մինչև 500 մարտական տանկեր և այլ զրահապատ տեխնիկա, ամենաքիչը 300 միավոր տարբեր տրամաչափի ինքնագնաց և քարշարկվող հրետանային միջոցներ, ականանետեր, հրթիռներ և ռեակտիվ համազարկային միջոցներ, բանակային ավիացիայի ավելի քան 20 միավոր մարտական ինթնաթիռներ և ուղղաթիռներ: