Ինչպես մամլո ասուլիսի ժամանակ հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը, փաստաթուղթը ոչ միայն մտադրությունների մասին է հայտարարում, այլեւ հանդիսանում է գործողությունների ծրագիր` առաջիկա տասը տարիների համար: Համաձայն կոնցեպցիայի` վերափոխման արդյունքում ՆԱՏՕ-ն ավելի արդյունավետ պետք է դառնա: Բացի այդ, կոնցեպցիան հաշվի է առնում նաեւ նոր, ժամանակակից վտանգները, այնպիսին, ինչպիսին է, ասենք` կիբեռահաբեկչությունը:
Ռուսաստանի եւ ՆԱՏՕ-ի համագործակցությունը ռազմավարական նշանակություն ունի, քանի որ նպաստում է ընդհանուր խաղաղության, կայունության եւ անվտանգության հարթության ստեղծմանը, փոխանցում է ռուսական ИТАР-ТАСС-ը:
«ՆԱՏՕ-ն Ռուսաստանի համար վտանգ չի ներկայացնում: Ընդհակառակը, մենք ցանկանում ենք տեսնել իրական ռազմավարական համագործակցություն ՆԱՏՕ-ի եւ Ռուսաստան միջեւ, եւ մենք գործելու ենք համապատասխանաբար, ինչը նաեւ ակնկալում ենք Ռուսաստանից»,- նշված է փաստաթղթում:
Կոնցեպցիայում նշվում է նաեւ, որ չնայած առանձին հարցերի շուրջ ունեցած տարաձայնություններին` կողմերը մնում են հաստատակամ այն հարցոմ, որ ՆԱՏՕ-ի եւ Ռուսաստանի անվտանգությունը սերտ փոխկապակցված է, եւ որ ուժեղ ու կառուցողական համագործակցությունը, որը հիմնված կլինի փոխվստահության, հանդուրժողականության եւ կանխատեսելիության վրա, կարող է առավել արդյունավետ կերպով ծառայել փոխադարձ անվտանգությանը:
Հիշեցնենք, որ Հայաստանի նախագահ Սերժ Սարգսյանը վերջին պահին հրաժարվել է մասնակցել ՆԱՏՕ-ի Լիսաբոնյան գագաթնաժողովին: