Թուրքիայի ազգային պաշտպանության նախարար Հուլուսի Աքարը հայտարարել է Սիրիայի Իդլիբ նահանգում թուրքական և ռուսական կողմերի պարեկության մեկնարկի մասին, հաղորդում է Anadolu-ն:
Նշվում է, որ Ռուսաստանն ու Թուրքիան պարեկություն են իրականացնելու տարբեր գոտիներում: Թուրքիան զբաղվելու է ապառազմականացված գոտու, իսկ ռուսական կողմը՝ արտաքին լարվածության գծի պարեկությամբ:
«Իդլիբում Թուրքիայի և Ռուսաստանի համատեղ պարեկությունը կարևոր է հրադադարի ռեժիմը պահպանման և Սիրիայի հյուսիս-արևմուտքում կայունության ապահովման տեսանկյունից»,- հավելել է Աքարը:
Նշվում է, որ երկրները համատեղ պարեկությունը կսկսեն մարտի 8-ին:
Ավելի վաղ հաղորդվել էր, որ Ռուսաստանն ու Թուրքիան զորավարժություններ են իրականացրել Սև ծովում:
