Պակիստանի վարչապետ Իմրան Խանը չի հավակնում Խաղաղության Նոբելյան մրցանակի: Համապատասխան հայտարարությունը նա մարտի 4-ին հրապարակել Է Twitter-ի իր Էջում։
«Ես արժանի չեմ Խաղաղության Նոբելյան մրցանակի: Այն պետք Է ստանա նա, ով Քաշմիրի պատկանելության շուրջ վեճը կլուծի նրա բնակիչների կամքին համապատասխան, ինչպես նաեւ խաղաղության եւ մարդկային ներուժի զարգացման ճանապարհ կհարթի (Հնդկական) ենթատարածաշրջանում»,-հայտարարել Է Խանը:
Մարտի 1-ին Իսլամաբադը Նյու Դելիին Է հանձնել գերի ընկած հնդիկ օդաչուին, որը Պակիստանի զինվորականների կողմից ձերբակալվել Էր, երբ նրա ինքնաթիռը խոցվել Էր երկրների միջեւ օդային մարտի ժամանակ: Պակիստանի վարչապետը նրա հանձնումը համարել Է «հաշտության քայլ»:
Դրանից հետո Համացանցում Խանի կողմնակիցները հանես են եկել վարչապետին Խաղաղության Նոբելյան մրցանակի անվանակարգելու առաջարկությամբ, իսկ Change.org կայքում կազմվել Է համապատասխան հանրագիր: Տարածաշրջանում խաղաղություն հաստատելու եւ միլիտարիզմին հակազդելու վարչապետ Խանի ջանքերն արժանի են միջազգային ճանաչման եւ Նոբելյան մրցանակի»,-ընդգծվում Է փաստաթղթում: Ներկայում հանրագիրը հավաքել Է ավելի քան 325 հազար ստորագրություն։
