Սիրիայի նախագահ Բաշար Ասադի հետ հարաբերությունները վերականգնելու արաբական երկրների փորձերն այն բանից հետո, երբ նա փաստորեն հաղթող դարձավ քաղաքացիական պատերազմում, հանդիպում են Միացյալ Նահանգների դիմադրությանը, որը դիմում Է նաև պատժամիջոցների սպառնալիքներին: Այս մասին գրում է The Washington Post պարբերականը։
Պարբերականի համաձայն՝ մեկնարկային կետը դարձել Է Արաբական Միացյալ Էմիրությունների որոշումը, որը 2018-ի դեկտեմբերի 27-ին հայտարարեց Դամասկոսում իր դեսպանությունը բացելու մասին, որն իր գործունեությունը դադարեցրել Էր 2011-ին Սիրիայում հակամարտության սկսվելուց ի վեր: Դրանից հետո բազմաթիվ այլ արաբական երկրներ նույնպես սկսեցին ձգտում դրսեւորել Սիրիայի նախագահի հետ հարաբերությունները կարգավորելու ուղղությամբ: Պատճառն այն Է, որ նրանք, ովքեր սկզբում աջակցեցին Ասադի ներքին քաղաքական հակառակորդներին, այժմ բախվում են իրականությանը, ըստ որի նա տեսանելի ապագայում մեծ հավանականությամբ մնալու Է իշխանության գլուխ: Սակայն ԱՄՆ-ի նախագահ Դոնալդ Թրամփի վարչակազմն ակտիվորեն փորձում Է արաբական աշխարհի իր դաշնակիցներին տարհամոզել Սիրիայի հետ մերձենալու փորձերից:
Գործի են դրվում, մասնավորապես, պատժամիջոցների սպառնալիքները, նշում Է թերթը: Ինչպես պնդում Է պարբերականը՝ իր հերթին հակառակ ջանքերն Է գործադրում Ռուսաստանը, որն արաբական երկրների իր գործընկերներին կոչ Է անում դիվանագիտական կամուրջներ հաստատել Դամասկոսի հետ։