Եգիպտոսի Գերագույն իմամ շեյխ Ահմեդ ալ Թայիբն աղմկահարույց հայտարարություն է արել, ինչը հակասական արձագանքների տեղիք է տվել, հաղորդում է Associated Press-ը:
Մասնավորապես, իմամը հայտարարել է, որ բազմակնությունը «անարդարություն» է կանանց նկատմամբ:
Նա ընդգծել է, որ «նրանք, ովքեր հայտարարում են, որ ամուսնությունը պետք է պոլիգամ լինի, սխալվում են»: Նա հավելել է, որ բազմակնությունը սկիզբ է առել «Ղուրանը և մարգարեի ավանդույթները ոչ բավարար չափով ընկալելու» հետևանքով:
Գերագույն իմամի հեռուստաեթերում արված այս հայտարարությունը թեժ քննարկումների առիթ է դարձել սոցցանցերում. ոմանք նույնիսկ կոչ են արել արգելել բազմակնությունը:
Ավելի ուշ, Al-Azhar-ը պարզաբանել է, որ իմամի հայտարարությունը ուղղված չի եղել բազմակնության դեմ: