Համաձայն բրիտանացի փորձագետների իրականացրած հետազոտության` գրասենյակային աշխատողներն ուտում են օրական միջինը երկու անգամ: Այս մասին գրում է Kedem.ru-ն:
Պարզվել է նաև, որ 4 աշխատակիցներից մեկը վիճում է իր գործընկերների կամ ղեկավարի հետ, երբ քաղցած է լինում: Բրիտանացիների ¾-ից ավելին կարծում է, որ ուտելը կարող է լիցքավորել իրենց օրգանիզմը էներգիայով և թարմությամբ:
Աշխատակիցների 55 տոկոսը հենց աշխատավայրում ուտելն անշնորհքություն է համարում: Գրեթե յուրաքանչյուր 5-րդը խոստովանել է, իր ուտելիքը գործընկերոջն առաջարկելիս թաքուն հույս է փայփայում, որ նա կհրաժարվի:
20 տոկոսը նշել է, որ աշխատում է շատ արագ ուտել` մինչ որևէ մեկը կհասկանա, թե ինքն ինչով է զբաղված: Իսկ 20 գրասենյակային աշխատողներից մեկը ուտելու համար գրեթե միշտ լոգարան կամ զուգարան է գնում: