Երեկ ԱՄՆ սենատում հանրապետականները արգելափակել են ազատ առևտրի վերաբերյալ մի շարք պայմանագրերի քննարկումը, որոնց հետ է կապված նաև Առևտրի միջազգային կազմակերպությանը Ռուսաստանի անդամակցության հարցը:
Հինգշաբթի օրը նախատեսված քննարկումները, որոնք վերաբերելու էին Կոլումբիայի, Հարավային Կորեայի և Պանամայի հետ ազատ առևտրի գոտի ստեղծելու հարցերին, չեն կայացել, քանի որ հանրապետականները չեն ներկայացել ֆինանսական հանձնաժողովի նիստին:
ԱՄՆ նախագահի վարչակազմը բազմիցս հայտարարել է, որ վերոնշյալ պայմանագրերի ստորագրումը, ինչպես նաև ԽՍՀՄ ժամանակներից մնացած Ջեքսոն-Վենիկի արգելքի հանումը, որը նախատեսում էր զգալի սահմանափակումներ ԽՍՀՄ-ի, ապա և Ռուսատսանի հետ առևտրում, համարվում են վարչակազմի արտաքին առևտրային օրակարգի հիմնահարցեր: Ջեքսոն-Վենիկի արգելքը կարող է հանվել միայն Կոնգրեսի որոշմամբ: