Հարավկորեական Samsung ընկերությունը Լաս Վեգասում անցկացված KBIS ցուցահանդեսի ժամանակ ներկայացրել է «խելացի տներում» կենցաղային նպատակներով օգտագործման համար նախատեսված իր Samsung Bots գծի նոր ռոբոտները:
Ռոբոտներից մեկը «խելացի» շեֆ-խոհարար Bot Chef է: Ռոբոտն ի վիճակի է խոհանոցում բազմազան խնդիրներ իրականացնել. սկսած մթերքը մանրացնելուց մինչև ընպելիքներ լցնելը և մաքրման աշխատանքները: Ռոբոտն ունի երկու ձեռք-մանիպուլյատոր, որոնք ենթարկվում են ներկառուցված արհեստական բանականությանը: Շնորհիվ սրա, ինչպես նաև ներկառուցված տվիչների, Bot Chef-ը կարողանում է ճանաչել տանտիրոջ ձայնային հրամանները և հատուկ հավելվածների միջոցով տրվող հրամանները:
«Խելացի տունը» մաքրելու համար Samsung-ն առաջարկում է Bot Air և Bot Clean ռոբոտներին: Bot Air-ն ունի տվիչներ, որոնցով չափում է օդի մաքրությունը: Եթե հայտնաբերում է աղտոտում, ապա տեղափոխվում է աղբյուրի մոտ, այն մաքրելու նպատակով: Bot Clean-ն իրենից խելացի փոշեկուլ է ներկայացնում, որը կարող է ոչ միայն մաքրել բնակարանը, այլ նաև տեղեկացնել սեփականատիրոջը մաքրության կարգավիճակի մասին: