Ճապոնիայում ռոբոտների նախագծմամբ զբաղվող Contents Innovation Program ընկերությունը միջոց է գտել ամաչկոտ հայրենակիցներին օգնելու իրենց սերը գտնելու հարցում: Տոկիոյի բնակիչների համար հանդիպումներ են կազմակերպվում «արագ ժամադրություններ» ձևաչափով՝ փոքրիկ զվարճալի մեքենաների միջնորդությամբ:
Նման ձևաչափով հանդիպմանը մասնակցել ցանկացող յուրաքանչյուր աղջիկ կամ տղա պետք է ռոբոտին հնարավորինս շատ տեղեկատվություն տրամադրի իր մասին: Այդ նպատակով անհրաժեշտ է պատասխանել արհեստական բանականության տարբեր հարցերին: Զվարճալի կենդանիների տեսքով փոքր մեքենաները տեղադրվում են սեղանին, որի շուրջ տեղավորվում է հավանական զույգը: «Արագ ժամադրության» մասնակիցները լռում են, և նրանց փոխարեն զրույցը վարում են երկու ռոբոտները: Այս մեթոդը լայն ճանաչում է ստացել և Տոկիոյի ավելի ու ավելի շատ հյուրեր և տեղացիներ են ցանկանում փորձել սիրելիին գտնելու նոր մեթոդը:
https://www.youtube.com/watch?v=nj3rBp1106I
Ռոմանտիկ շփման և ժամադրության նոր մոտեցումը ոչ բոլորին է դուր եկել: Ինտերնետի շատ օգտատերեր դեմ են արտահայտվել նման պատասխանատու հարցում ռոբոտ-միջնորդների օգտագործմանը, այդպիսի ծանոթությունները խղճուկ անվանելով:
Քննադատները կարծում են, որ նորարարությունը ցույց է տալիս մարդկային մշակույթի անկումը տեխնոլոգիական առաջընթացի ֆոնին: