Պաշտոնապես հայտարարում եմ, որ ինձ որևէ մեկը չի սատարում: Ոչ մի կուսակցության և իշխող թիմի աջակցություն չունեմ: Գեղարքունիքի մարզպետի հետ համակուրսեցիներ ենք եղել, բայց աջակցություն չունեմ: Այս մասին «Առաջին լրատվական»-ի հետ զրույցում նշեց Վարդենիսի գործող քաղաքապետ, քաղաքապետի թեկնածու Արամ Մելքոնյանը:
«Քարոզարշավի մեկնարկից սկսած նշվում են խնդիրները, սրանք խնդիրներ չեն, ընթացիկ լուծվող հարցեր են: Աշխատատեղերի պակաս կա, սակայն առաջին անհրաժեշտության լուծվող հարց է: Ծանոթ եմ բոլոր խնդիրներին և մոտ ապագայում կլուծվեն դրանք»:
Մելքոնյանի հավաստմամաբ՝ նախկին քաղաքապետերից ստացած ժառանգության պատկերը այնքան էլ վատը չէ: Որպես քաղաքապետի թեկնածու Արամ Մելքոնյանն իրեն ֆավորիտ չի համարում:
Ի դեպ նշենք, որ Արամ Մելքոնյանը զբաղվում է նաև սպորտով. «Ամեն օր մարզվում եմ: Նվիրված եմ սպորտին, իմ գործին: Կհամատեղեմ սպորտն ու համայնքը ղեկավարելը»,-նշեց նա: