ԱՄՆ-ի սենատը հավանության է արժանացրել արտաքին քաղաքականության մասին օրինագծում սենատոր Միթչ Մաքոնելի՝ փոփոխություն սահմանելու առաջարկը։
Փոփոխությունը վերաբերում է ԱՄՆ-ի վարչակազմին և նպատակ ունի «դադարեցնել» Սիրիայից ու Աֆղանստանից ամերիկյան զորքերի հապշտապ դուրսբերումը։ Վարչակազմին առաջարկում են զորքերը դուրս եբերլուց առաջ համոզվել, որ կատարված են բոլոր պայմանները՝ «Ալ Քայիդա» և ԴԱԻՇ («Իսլամական պետություն») ահաբեկչական խմբավորումների պարտության համար։
Փոփոխությանը կողմ է քվեարկել 70, դեմ՝ 26 սենատոր։ Քվեարկությունից առաջ սենատոր Մաքոնելը գործընկերներին հիշեցրել է «ազգային անվտանգության մասին՝ Ամերիկայի շահերից ելնելով», որոնք «պահանջում են ոչ միայն կարևոր դիվանագիտական գործիքներ, այլ Միացյալ Նահանգների անմիջական մասնակցությունը»։
