Չինական յուանի սահմանված փոխարժեքը չի կարող ԱՄՆ ներկա տնտեսական դժվարությունների պատճառ հանդիսանալ. այս մասին հայտարարել է Չինաստանի առեւտրի նախարարության ներկայացուցիչ Յաո Ցզանը: «Վաշինգթոնը չպետք է այլ երկրներին մեղադրի ամերիկյան տնտեսության եւ զբաղվածության շուկայի այժմյան խնդիրների մեջ»,-նշել է նա: «Յուանի փոխարժեքը չպետք է հայտարարվի որպես ԱՄՆ ներքին խնդիրների պատճառ»:
Հիշեցնենք, որ ԱՄՆ-ն եւ մի շարք այլ երկրներ մեղադրում են Չինաստանին նրանում, որ այդ երկրի կառավարությունն արհեստականորեն իջեցնում է յուանի փոխարժեքը, որի արդյունքում թույլ յուանը նպաստում է արտահանմանը եւ խոչընդոտում ներկրողներին: Ուրբաթ յուանի փոխարժեքը այս տարվա հունիսից սկսած ամենացածրն է եղել` կազմելով 6,6497 յուան մեկ դոլարի դիմաց:
