Հանրաճանաչ երգչուհի Սելենա Գոմեսը, դեպրեսիայի բուժումից հետո, վերջապես սոցիալական ցանցերում սկսեց ակտիվ կյանք վարել։ Միկրոբլոգում նա խոսեց «Anxiety» («Անհանգստություն») անունով նոր երգի մասին, որն իր տարած դեպրեսիայի մասին է, գրում է segodnya.ua-ն:
Սինգլը Սելենա Գոմեսը ներկայացրել է ընկերուհու`25-ամյա Ջուլիա Մայքլեսի հետ: Այս մասին երգչուհին գրում է Instagram-ի իր էջում:
«Իմ սիրելի հոգևոր քույր՝ Ջուլիա, դու դարձար իմ կյանքի կարևոր մասը, սովորեցրիր ինձ համարձակ լինել, երբ ես կասկածեցի։ Այս երգը ինձ շատ մոտ է, ես մտահոգված էի, ինչպես և իմ մտերիմներից շատերը: Սա կարևոր հաղորդագրություն է։ Հուսով եմ՝ ձեզ դուր կգա», – ասաց Սելենան` մեկնաբանելով նոր աշխատանքը:
Անհանգստություն կոչվող երգում աղջիկները երգում են այն մասին, որ ընկերների՝ ֆիլմեր դիտելու հրավերից ստիպված էին հրաժարվել դեպրեսիայի պատճառով: Նաև այն մասին, որ ընկերները չգիտեին՝ ինչ է կատարվում և չէին հասկանում, թե ինչու իրենք գիշերը չեն քնում:
https://www.instagram.com/p/Bs856FFh2V5/?utm_source=ig_embed