«Բրեստի հերոս-ամրոց» հուշահամալիրի վարչակազմն ամերիկյան CNN հեռուստաալիքի վարկածով «աշխարհի ամենատգեղ հուշարձանների» վարկանիշն անվանել է «սրբապղծություն»:
Ըստ ամերիկացի լրագրողների՝ հուշարձանը վարկանիշում զբաղեցնում է երկրորդ տեղը: Հուշահամալիրի ղեկավարությունը մտադիր է հեռուստաալիքի գործողությունների հարցը բարձրացնել Բելառուսի մշակույթի նախարարությունում: Այս մասին հայտնում է Interfax-ը:
Հուշահամալիրի լուսանկարի ներքո մեկնաբանությունում ասվում է, որ «այդ հսկան՝ մոլեգնած բելառուսը, որն առաջացել է բետոնի հսկա կտորից, կարծես մտադիր է Ամերիկան դեպի Արև նետելուց առաջ իրեն ենթարկել ողջ Արևմուտքը»:
Հեռուստաալիքի գործողություններն առաջացրել են Բելառուսի հասարակության վրդովմունքը:
Հուշահամալիրի տնօրեն Գրիգորի Բիսյուկի խոսքերով՝ զոհերի հիշատակին նվիրված հուշարձանին նման կերպ վերաբերվել չի կարելի:
