Ռուսաստանի իշխանությունները «ուշադիր» հետևում են Վենեսուելայում դեպքերի զարգացումներին: Այդ մասին հայտարարել է Ռուսաստանի նախագահի մամլո քարտուղար Դմիտրի Պեսկովը:
«Մենք Վենեսուելայում բարձրագույն իշխանության բռնագրավման փորձը համարում ենք միջազգային իրավունքի սկզբունքներին հակասող երևույթ: Սա է մեր դիրքորոշման հիմքը»,- ասել նա:
Կրեմլը մտահոգված է հայտարարություններով, որոնք չեն բացառում երրորդ երկրի միջամտությունը Լատինական Ամերիկայի երկրի ներքին գործերին: «Մենք որևէ ուժային ազդեցության միջոցի մասին խոսքերը համարում ենք շատ վտանգավոր», – ընդգծել է Պեսկովը:
Լրագրողները հարցրել են, թե Մոսկվան քաղաքական ապաստան կտրամադրի արդյոք Նիկոլաս Մադուրոյին։ Պեսկովը պատասխանել է, որ նման հարց չկա: Ռուսաստանը նրան համարում է օրինական նախագահ: Հարցին, թե արդյոք Մոսկվան կատարվածը կապում է Մադուրոյի քաղաքականության կամ արտաքին գործոնների հետ, Պեսկովը նույնպես հրաժարվել է պատասխանել։
Վենեսուելայի կողմից նյութական կամ ռազմական օգնության մասին դեռևս ոչ մի դիմում չի եղել՝ նշել է Պեսկովը։
