Ինչպես հաղորդում է «Ասպարէզը», Իսրայելի խորհրդարան է մտցվել Հայոց ցեղասպանության վերաբերյալ նոր բանաձև, համաձայն որի՝ Իսրայելում պաշտոնապես կլինի Հայոց ցեղասպանության զոհերի հիշատակի օր: Երեկ 25 կողմ ձայներով այս հարցը տեղափոխվել է Քնեսեթի կրթության և մշակույթի հանձնաժողով: Մեկ դեմ քվեարկողը Իսրայելի խորհրդարանի ադրբեջանական ծագում ունեցող պատգամավորն էր:
Բանաձևը ներկայացրել է Քնեսեթի անդամ Արի Ելդադը: Քնեսեթում տեղի ունեցող զարգացումների վերաբերյալ պատմել է Հայ դատի Երուսաղեմի գրասենյակի անդամ Հակոբ Սևանը: Հայտնի է նաև, որ այս երկրորդ բանաձևով նախատեսվում է ապրիլի 24-ի վերաբերյալ դասընթացներ անցկացնել նաև իսրայելական դպրոցներում: Իսրայելի կառավարության ներկայացուցիչ Ուզի Լանդաուն ասել է, թե իրենք դեմ չեն Քնեսեթում այս բանաձևի քննարկմանը:
Հիշեցնենք, որ մայիսի 18-ին Հայոց ցեղասպանության ճանաչման մեկ այլ փաստաթուղթ նույնպես տեղափոխվել է վերոնշյալ հանձնաժողովի քննարկմանը: