«Առաջին լրատվական»-ի «Մամուլի հետ սուրճ» հաղորդման այսօրվա հյուրն է մեդիափորձագետ Սամվել Մարտիրոսյանը:
Մեր զրուցակցի խոսքով՝ հեղափոխությունից հետո մամուլում ևս ակնհայտ փոփոխություններ են կատարվել, ինչը շարունակական պրոցես է. «Դաշտը վերաձևավորվում է, ինչ-որ դերակատարներ երկրորդ պլան են մղվում, ինչ-որ նոր դեմքեր առաջին պլան են գալիս, իսկ մամուլի մի հատված էլ անընդհատ ներքաշված է պատերազմների մեջ»:
Անդրադառնալով պարգևատրումների թեմային՝ Սամվել Մարտիրոսյանն ասաց. «Այստեղ կա գլոբալ պրոբլեմ: Հանրությունը սովոր էր շատ թափանցիկ աշխատող Փաշինյանի թիմին, իսկ հիմա էս պարգևատրումների հարցում թափանցիկությունը կտրուկ ընկել է»:
Սամվել Մարտիրոսյանը կարծում է, որ քաղաքապետարանը օրենքը խախտում է՝ չհրապարակելով, թե ում ինչքան է պարգևատրել. «Անձնական տվյալների պաշտպանությունը շատ կամայական է գնահատվում»:
Մեր զրուցակիցը թերի է համարում նաև մամլո խոսնակների աշխատանքը. «Դանակը հասնում է ոսկորին, նոր մամլո խոսնակը պարզաբանում է տալիս, մինչդեռ նրանք պետք է կարողանային օպերատիվ փակել այդ բացերը. եթե 2-3 ժամում չես հերքում, դառնում է իրականություն»:
Մեդիափորձագետը երրորդ խնդիրը համարում է ֆեյքերի ֆաբրիկան:
Հարցազրույցն ամբողջությամբ՝ տեսանյութում:
