ՄԱԿ-ում Սիրիայի մշտական ներկայացուցիչ Բաշար էլ-Ջաֆարան հունվարի 22-ին հայտարարել է, որ եթե ՄԱԿ-ի Անվտանգության խորհուրդը Իսրայելի հարվածների հետ կապված միջոցներ չձեռնարկի, Դամասկոսը կարող է պատասխանել Թել Ավիվի օդանավակայանին հարվածելով: Այս մասին հաղորդում է SANA գործկալությունը:
«Կա՛մ ժամանակն է, որ Անվտանգության խորհուրդը միջոցներ ձեռնարկի Սիրիայի տարածքի վրա իսրայելական մշտական հարձակումները կանխելու համար, կա՛մ Սիրիան այս Խորհրդում պետք է գրավի նրանց ուշադրությունը, որոնք պատերազմներ են ստեղծում՝ իրագործելով պաշտպանվեու իր օրինական իրավունքը և պատասխանելով Դամասկոսի միջազգային օդանավակայանի վրա Իսրայելի հարձակմանը՝ Թել Ավիվի օդանավակայանին հարվածելով»,-ընդգծել է էլ-Ջաֆարան:
Նա նաև ԱԽ մի քանի մշտական անդամների մեղադրել է Իսրայելին հովանավորելու մեջ:
էլ-Ջաֆարան հստակեցրել է, որ «Սիրիայի դեմ Իսրայելի ագրեսիան» անհնարին կլիներ «առանց անսահամանափակ աջակցության, որը ՄԱԿ-ի մշտական անդամները ցուցաբերում են» այդ երկրին: