Thursday, 11 08 2022
N զորամիավորումում ամփոփել են առաջին կիսամյակում անձնակազմի բարոյահոգեբանական ապահովման աշխատանքները
00:50
Հնդկաստանում գետի վրա նավ է շրջվել, 20 մարդ մահացել է
N զորամասում ծառայությունն ավարտածները զորացրման հանդիսավոր միջոցառմամբ են հրաժեշտ տվել ծառայակիցներին
Ոստիկանները Դվին գյուղի տներից մեկում թմրամիջոց, հրացան ու զինամթերք են հայտնաբերել
00:25
Գերմանիայում 34 մարդ տուժել է՝ կառուսել գնացքների բախման հետևանքով
ՌԴ ԱԳՆ. Ռուս խաղաղապահներին ուղղված քննադատություններն արդարացված չեն
Ղուկասավանում, Խոյում և Մեղրաշատում շչակ է գործարկվելու
Ողբերգական դեպք՝ Երևանում. «Սուրբ Գրիգոր Լուսավորիչ» բժշկական կենտրոնի ծննդատանը երեխա է մահացել
Աղավնոյի բնակիչները չեն պատրաստվում լքել գյուղը
Ջերմաչափի ներմուծումն արգելվում է. ինչ է առաջարկում նախարարությունը
23:30
ՄԱԿ-ում անհանգստացած են Զապորժիեի ԱԷԿ-ի շուրջ ռազմական գործողություններով
Կարդիականացվի ևս 5 բուժհաստատություն. ՀՀ ԱՆ
«Առաջին» լրատվական-վերլուծական թողարկում
Ռուբինյանց փողոցի 62-ամյա բնակիչը տանը կանեփ է աճեցրել․ հայտնաբերվել է 58 բույս և 4 փաթեթ մարիխուանա
22:30
Թուրքիան պետք է իմանա, որ կրակի հետ է խաղում. ՀՀ-ում Իրանի նախկին դեսպան
Սյունիքը հատելու վտանգը դեռ առկա է. Թեհրանը հետևում է իրադրությանը Արցախում
Հայտնի է` որտեղ են հանցագործները պահել Քոքոբելյանի առևանգված հորը. ՔԿ-ն նոր մանրամասներ է հայտնում
Վախենալուն հետո կլինի, եթե քայլեր չձեռնարկվեն
Ջրափրկարարները քաղաքացիներին մոտեցրել են ափին
Պաշտոնից ազատում ՝ ՀՀ քննչական կոմիտեում
21:30
Միացյալ Նահանգները կողմ է Զապորոժիեի ԱԷԿ-ի շուրջ ապառազմականացված գոտի ստեղծելուն
ՔՊ-ն պրիմիտիվ մոտեցում է ցուցաբերել, մտահոգիչ է
21:10
Շվեդիան արտահանձնում է Թուրքիայի քաղաքացուն
Հայաստանի հետ հարաբերությունների կարգավորման գործընթացը շարունակվում է. Չավուշօղլու
20:50
Շոլցը արդարացված չի համարում ռուսաստանցիների մուտքի արգելքը Եվրոպա
Քոքոբելյանի հորն առևանգող ՀՅԴ-ական նախկին պատգամավորը $3 միլիոն է պահանջել
Նաիրի Հունանյան արտադրող կուսակցությունից այլ բան հնարավոր չէ սպասել…
Ղազախստանը Թուրքիայի հետ կհամագործակցի ռազմական հետախուզության ոլորտում
Ապամոնտաժվելու է Բագրատունյաց պող.-Արտաշիսյան փող. խաչմերուկի վերգետնյա հետիոտնային անցումը
Live. «Առաջին լրատվական» տեղեկատվական-վերլուծական կենտրոն

Պնդում՝ հերքման փոխարեն. Քոչարյանը՝ ահաբեկչության ու արյան սիմվոլ

Երևան քաղաքի ընդհանուր իրավասության առաջին ատյանի դատարանի դատավոր Ս. Երիցյանը, քննարկելով Ռոբերտ Քոչարյանի՝ ընդդեմ «Սկիզբ Մեդիա Կենտրոն» ՍՊ ընկերության զրպարտություն համարվող փաստացի տվյալները հրապարակայնորեն հերքելու և զրպարտության դիմաց փոխհատուցում ստանալու պահանջները, քաղաքացիական գործով վճիռ է կայացրել՝ հայցը բավարարելով մասնակի:

1in.am լրատվական կայքը պետք է հերքում տեղադրի չորս հոդվածի վերաբերյալ՝ նշելով, որ դրանք չեն համապատասխանում իրականությանը, պետք է հայցի Ռոբերտ Քոչարյանի ներողամտությունը, և պետք է կայքից բռնագանձվի 400 հազար դրամ՝ որպես ոչ նյութական վնասի փոխհատուցում: 1 մլն 600 հազար դրամ ոչ նյութական վնասի բռնագանձման պահանջը դատարանը մերժել է:

Դատարանը 1in.am ինտերնետային կայքին պարտավորեցրել է 07.06.2018 թվականին հրապարակված՝ «Գրիգոր Գրիգորյանը ցուցմունք է տվել Ռոբերտ Քոչարյանի դեմ, վերջինս կալանավորվել է», 23.06.2018 թվականին հրապարակված` «Ռոբերտ Քոչարյանի խուճապը, երկրորդ նախագահը՝ բանտի ճանապարհին», 24.06.2018 թվականին հրապարակված՝ «Հակահեղափոխության արյունոտ սիմվոլը` Ռոբերտ Քոչարյան», 28.06.2018 թվականին հրապարակված՝ «Քոչարյան-Սարգսյան Արյունոտ քսանամյակի շահառուները» վերնագրերով հոդվածներում տեղ գտած Ռոբերտ Սեդրակի Քոչարյանի վերաբերյալ տեղեկատվությունը հերքել հետևյալ կերպ.

վճիռը օրինական ուժ ստանալուց հետո երկու օրվա ընթացքում առավոտյան ժամը 09:00-ին (սահմաններում) www.1in.am ինտերնետային կայքում հրապարակել հերքում: Պետք է նշվի, որ չորս հոդվածներում տեղ գտած Ռոբերտ Քոչարյանի վերաբերյալ տեղեկատվությունն իրականությանը չի համապատասխանում և զրպարտություն է:

Իհարկե, «Առաջին լրատվական»-ը իրավական հարթության վրա կվիճարկի առաջին ատյանի դատարանի վճիռը, սակայն խնդիրը քննարկելի է հատկապես քաղաքական հարթության վրա։

«Առաջին լրատվական»-ը հեղափոխության առաջին օրերից եղել է դրա հետևողական պաշտպաններից մեկը՝ մինչև խորհրդարանական ընտրությունները հեղափոխության թիկունքը պահելով ռևանշիզմի բոլոր հարձակումներից։ Մեր կայքն արել է առավելագույնը՝ նոր Հայաստանի գաղափարն իրականություն դարձնելու, հեղափոխության արդյունքների կապիտալիզացմանը նպաստելու համար։

Այդ համատեքստում հույժ կարևոր ենք համարել քրեաօլիգարխիայի վերջին քսանամյակում կատարված արյունոտ ոճիրների բացահայտումը, խոսքը վերաբերում է հատկապես Հոկտեմբերի 27-ի ու Մարտի 1-ի հանցագործությունների բացահայտմանը։

Մարտի 1-ի գործում արձանագրվել է էական առաջընթաց, ու Ռոբերտ Քոչարյանին առաջադրվել է մեղադրանք՝ սահմանադրական կարգը տապալելու հատկանիշներով։ Պնդել ենք ու շարունակում ենք պնդել, որ Ռոբերտ Քոչարյանն է արյունոտ այդ ոճրի կազմակերպիչը, ու, բնականաբար, չենք պատրաստվում որևէ հերքում տպագրել մեր լրատվամիջոցի հարթակում։ Ավելին՝ համոզված ենք, որ նախաքննության ու դատավարության ընթացքում դրվագ առ դրվագ հաստատվելու են մեր հրապարակումներում տեղ գտած բոլոր պնդումները։ Ռոբերտ Քոչարյանը հանցագործ է, ու մենք չենք պատրաստվում հայցել մեկի ներողամտությունը, ում ձեռքերը թաթախված են արյան մեջ։

Ավելին՝ «Առաջին լրատվական»-ը հետևողականորեն շարունակելու է հետամուտ լինել նաև Հոկտեմբերի 27-ի լիարժեք բացահայտմանը՝ այն վստահությամբ, որ դրա հիմնական շահառուները համարվում են Ռոբերտ Քոչարյանն ու ռուսական կայսրությունը։

Ռոբերտ Քոչարյանի իշխանավարման արյունոտ տասնամյակում հնարավոր է դարձել Հայաստանի ժողովրդի վստահության մանդատը ստացած պետական գործիչների գնդակահարությունը խորհրդարանի նիստերի դահլիճում, Հայաստանի առնվազն տասը քաղաքացիների գնդակահարությունը Երևանի փողոցներում։

Հոկտեմբերի 27-ն ու Մարտի 1-ը ասոցացվում են Ռոբերտ Քոչարյանի անվան հետ, ու նա դատվելու է կատարած հանցագործությունների համար։ Սա է մեր պատասխանը առաջին ատյանի դատարանի որոշմանը։

Եթե առաջին ատյանի դատարանը նման անհեթեթ որոշում է կայացնում, ապա նոր Հայաստանը դեռևս իրականություն չի դարձել բովանդակային, ինստիտուցիոնալ հարթության վրա, ու այս ամենի քաղաքական պատասխանատուն օրվա իշխանություններն են, որոնք անցած ինն ամիսների ընթացքում չեն ցուցաբերել անհրաժեշտ հետևողականություն։

Բաժիններ
Ուղիղ
Լրահոս
Որոնում