Այսօր կայացան Wimbledon-ի քառորդ եզրափակիչ հանդիպումները, որոնց մասնակցում էին աշխարհի 4 ուժեղագույն թենիսիստները:
Եթե Նադալը, Ջոկովիչը և Մարեյն առանձնապես խնդիրներ չունեցան և բոլորն էլ դուրս եկան կիսաեզրափակիչ, ապա Ֆեդերերը չկարողացավ հաղթահարել ֆրանսիացի Ժո Վիլֆրեդ Ցոնգայի արգելքն ու դուրս մնաց հետագա պայքարից:
ATP վարկանիշային աղյուսակի առաջատար Ռաֆայել Նադալը 4 սեթում (6:3, 6:3, 5:7, 6:4) առավելության հասավ ԱՄՆ-ի ներկայացուցիչ Մարդի Ֆիշի նկատմամբ և կիսաեզրափակիչում կհանդիպի Էնդի Մարեյի հետ: Բրիտանացին իր հերթին 3:0 (6:3, 6:4, 6:4) հաշվով պարտության մատնեց իսպանացի Ֆելիցիանո Լոպեսին:
Ջոկովիչից նույնպես 4 սեփ պահանջվեց Ավստրալացի Բերնարդ Տոմիչին հաղթելու համար, գրանցվեց 6:2, 3:6, 6:3, 7:5 հաշիվ: Նովակը կիսաեզրափակիչում կմրցի Ժո Վիլֆրեդ Ցոնգայի հետ: Վերջինս 3:2 (3:6, 6:7, 6:4, 6:4, 6:4) հաշվով պայքարից դուրս թողեց աշխարհի երրորդ ռակետ շվեյցարացի Ռոջեր Ֆեդերերին:
